ساعات بحتاج أفضفضلك.. قصيدة محمد إبراهيم

عارف..

ساعات بحتاج أفضفضلك أوي

وانت ساعات أكتر ماتسمعنيش

فطبيعي جدًا بعدها تسألني

مالك.. فيكي إيه فأقول مفيش..

فيه حجات كتيرة إن ما اتقالتش فـ وقتها

لو تيجي تسأل بعدها.. مابتتحكيش.

مشغول بإيه

وانت اللي قولت إني الحياه

بالنسبه ليك

وحقيقي مش قادرة افهمك

أو أحس بيك

فاكر زمان فيه كلام كتير

قولناه فـ نفس الوقت

وفـ قربي ليك قد البعاد.. إشتقت

واستنى يجمع بينَّا أي معاد

ليه اهتمامك بيّا قل

وبالسكوت مين استفاد ؟!

ليه المعاملة اتغيرت فجأة لأسوأ

وإن جيت تقول لي بعشقك

مقدرش أصدق

أصل المحبة مش غُنا ولا كلمتين

يعنى !

أنا

محتاجة افضفضلك

فمن فضلك.. ياريت تهتم تسمعنى

عشان فيه ألف ميت حاجة

بسببك غاوية توجعني

فيه حجات كتيرة إن ما اتقالتش فـ وقتها

لو تيجي تسأل بعدها.. مابتتحكيش.






حلوة كثير واحساسها حلو
على الرغم اني ما بحب الشعر العامي
لكن هذه حبيتها
يعطيكِ العافية

كلمات كتير حلوة

حبيت اللهجة كتير

كلكك زوء حبيبتي لادراجكك

ينقل للقسم المناسبب

كتابة جميلة
شكرا لك لطرحها
يسلم فكرك واحساسك