أخبار_عالريق

#أخبار_عالريق 1020 يوم
✅️يكتبها / #سعيد_الطويل
▪︎بصراحة الجو العام ملل وفلس وفش فيه قصص ولا نهفات ولا حتى اشاعات من عند الحلاقين ولا السواقين والناس زهقانة حالها شايفهم هاليومين

▪︎المهم انه المنحة القطرية ما وقفت بس فيها خلل فني وشوية مشاكل وحتنصرف اليومين الجايات ان شاء الله

▪︎اليوم فجروا دار معتز الخو.اجا برام الله واعتقلوا محمد طبنجة من قادة العر..ين في نابلس

▪︎الخضرة والفاكهة إلها كم يوم رخيصة وع قفى مين يشيل بالسوق وعالبسطات

▪︎وين ما تضرب عينك بتلاقي بطيخ وشمام وذرة عرانيس

▪︎شكاوى كثيرة بتوصلنا للبلديات ع موضوع البعوضة إللي مبهدلة الدنيا في أكثر من منطقة

▪︎الزنانات بيسكتوووش ليل نهار وشكلهم مركبين مواتير جديدة من إللي بتنخر نخر بالراس

▪︎ما علينا في مصدر قوي زي كوافير سحر بيقلي في حرب مرتبة بعد توجيهي ع طول

▪︎ في روضة ماخذة رسوم لحفلة التخرج من كل طالب 120 شيكل

▪︎رحنا ع حلفة شب عاملينها عالضيق وبصوت واطي عشان التوجيهي الله وكيلك لقينا تلت ترباع إللي شايلين الحفلة وبيرقصوا من طلاب التوجيهي

بدناش نطول عليكم
#يسعد_صباحكم وربنا ينولكم إللي ببالكم🌷

23-5-2023 الثلاثاء

يسلمو امير ع المتابعة و النقل
يس لفت نظري رسوم حفل الروضة
وين الخبر بالموضوع ، طبيعي الإشي !

تحياتي

يعطيك العافية ع الإدراج
كل الشكر.

يسلمو الامير ع المتابعه
وعوافي ع جهودك

ييسسلمموو الاممييرر
+ ججهودكك ممييزهه
وردهه