قصة مؤلمة

قصة مؤلمة

استحلوا ولادي اللوز الأخضر ، رحت لاشتريلهم من محل الخضرا بالضيعة ، قالي الخضرجي: جايي تشتري لوز وخيك عم يبيع قفاص قفاص ، هيدا اللوز من عند خيك ...

غصيت وقلتله : ما حدا آخد معه شي عم اشتغل وطعمي ولادي من تعبي وما بدي احرمهم شي ، بس للصراحة قلبي انوجع ، اللوز يلي خيي عم يبيعوا انا وخياتي ساعدنا بيي بزراعته وكان خيي يضل نايم للضهر ، الأرض يلي انزرع فيها بستان اللوز كنت انا وخياتي البنات نروح لنشيل الحجار والشوك منها لصارت صالحة للشجر ، لما بيي سجل ملكية الاراضي ونقلها من والده وأخته وعمته لإله حرمنا من رفاهية العيش وحقوقنا باللبس والاكل المنيح لأنه دايما يقول : المواسم عم تخسر ويا دوب عم اقدر ادفع على نقل الملكية ...

نحن تعبنا وزرعنا وانحرمنا والصبيان حصدوا ...

نحن زرعنا شجر اللوز واخوتنا عم يبيعوا بآلاف الدولارات ونحن منشتري لاولادنا بالوقية ...

كل الشكر و التقدير

الظلم ظلمات يوم القيامة
ولعظم أمر الورث والوصية تولى الله تقسيمها في القرآن
أشكرك على القصة والعبرة

حسبناا الله ع الظّالم
قصة موجعة
يعطيكِ العافية خيال.

تقريبا قصة اللوز مكررة نفسها كتير
ف واقعنا للاسف ف كتير اشياء
حسبناالله ونعم الوكيل

ربنا ع الظالم
قصة مؤلمه
يسلمو دياتك خيال

قصة معبرة

دوماً يروق لي انتقائك

ارق تحياتي واجملها

يا الله اديش في ناس ماكلين حقوق خواتهم باليراث ..
القصة مؤلمة بجد ، بس ما في شي بضيع عند ربنا
تحياتي