اسرائيل توجه أصابع الاتهام نحو "داعش" في اطلاق صاروخ من غزة تجاه سديروت صباح اليوم

رام الله - دنيا الوطن
الأربعاء :5\10\2016


زعمت وكالات إسرائيلية أن جماعة تابعة لداعش أعلنت مسؤوليتها عن إطلاق الصاروخ من غزة تجاه سديروت صباح اليوم.

وقد كان موقع 0404 العبري قد زعم صباح اليوم ان صاروخين اطلقا من شمال قطاع غزة أحدهما سقط في وسط مستوطنة سديروت و سمع دويه بشدة، فيما سقط الاخر في فناء بيت مهجور في منطقة مفتوحة في مستوطنة صباح اليوم الأربعاء.

هذا ونفى الاعلام العبري عن وقوع اصابات نتيجة ذلك، لافتا الى ان صافرات الانذار دوب عقب وقوع الصاروخ في المستوطنة.

وفي السياق أوضحت مصادر عبرية ان الصاروخ الذي أطلق سقط قرب مدرسة ابتدائية.

النهفة في الموضوع انه بقولوا لك
داعش اللي ضربت الصاروخ ونازلين ضرب
من الصبح في مواقع المقاومة عنا
كل غلطة برتكبها طرف بتلبسها المقاومة

والله ي حنين ي خوفي تكون الحرب الجديدة بحجةة القضاء ع داعش ب غزة

هدول الله م خلق امكر ولا اخبث منهم

ليش انتو اساسا عندكم داعش ؟

هاد يلي كان نائص غزة

يسلمو للنقل حنين

تحياتي

يخرب بيت اليهود

مهو كل مرة هيك الحكي بيكون

صاروخ بيطلع من جهة مشبوهة بينضرب كام موقع للمقاومة وانتهت

امم بس اذا ردت حماس والجهاد هي الحرب اذن هتكون

وربنا لايحيبها

اقتباس   المشاركة الأصلية كتبت بواسطة مُجرد نَبض والله ي حنين ي خوفي تكون الحرب الجديدة بحجةة القضاء ع داعش ب غزة هدول الله م خلق امكر ولا اخبث منهم

اه ماهي انتركت داعش في العراق وسوريا ومصر وليبيا والجزائر وباكستان ولبنان
وتمركزت في غزة ليحاربوها فيها

بكل الاحوال حماس ضد داعش وبتحاربها قلبا وقالبا
يعني معركتهم خسرانة لو فكرو يعملوا حرب ع غزة بحجة داعش

اقتباس   المشاركة الأصلية كتبت بواسطة ملڪڪ ليش انتو اساسا عندكم داعش ؟ هاد يلي كان نائص غزة يسلمو للنقل حنين تحياتي

عنا داعش وكل يوم عن يوم عدد مناصرينها بزيد
بس حماس بتتصدا لهم اول بأول ومابتتهاون معع اي قضية بهالخصوص
وفي كتير عناصر طلعت من القسام وانضمت ل داعش وحماس بتحبس وبتردع فيهم
سواء عناصرها او غيرهم ومش سامحة ل داعش تتنفس عنا .
داعش لو تمكنت فينا غزة انتهت

من فترة حماس وزعت ع المساجد عنا نسخ بأسماء ال مطلوبين لها بحجة انتمائهم ل داعش وحطت اسمائهم ع لائحة القتل لو تطور الامر بيوم واضطروا للدم.

اقتباس   المشاركة الأصلية كتبت بواسطة صمت ٱلمحابر يخرب بيت اليهود مهو كل مرة هيك الحكي بيكون صاروخ بيطلع من جهة مشبوهة بينضرب كام موقع للمقاومة وانتهت امم بس اذا ردت حماس والجهاد هي الحرب اذن هتكون وربنا لايحيبها

حماس مابتوقع ترد لانها مابدها حرب وضع غزة مش حمل حروب
لكن الجهاد الاسلامي ابو المشاكل بموت بالحروب فاحتمال هو اللي يرد ويجيب الحرب لنا مثل كل مرة

اقتباس   المشاركة الأصلية كتبت بواسطة شرقية متمردة حماس مابتوقع ترد لانها مابدها حرب وضع غزة مش حمل حروب لكن الجهاد الاسلامي ابو المشاكل بموت بالحروب فاحتمال هو اللي يرد ويجيب الحرب لنا مثل كل مرة

هبل هي الشغلة مهي اذا ردت الجهاد شو ظل هتقوم الخرب

هيك شغلات مابتصير الا بعد قرار موحد من كل الفصائل

اقتباس   المشاركة الأصلية كتبت بواسطة صمت ٱلمحابر هبل هي الشغلة مهي اذا ردت الجهاد شو ظل هتقوم الخرب هيك شغلات مابتصير الا بعد قرار موحد من كل الفصائل

بعرف ولك
بتكش راس ع ردك كنت
مش لعبة الشغلة وماحدا بده حرب
وغزة غير مستعدة نفسيا ولا ماديا لحروب
مافي استعداد الا من جهة المقاومة ولما تقوم حرب
اللي بياكلها الشعب قبال كل مقاوم بستشهد 100من الشعب

الله يمررها ع خير

يارب