شو صاير معك؟

-شو صاير معك؟
ما بعرف جد ما بعرف مش قادر أشرحلك مش قادر اطلع الشي يلي جواتي وأحكيه مش قادر أوصفلك ، حاولت مرة و مرتين و عشرة بس مش راضي يطلع معي شي ، جواتي كل مرة بفكر فيه بس ما بقدر أشرحو ، انت اکید لاحظت السواد يلي تحت عيوني ، كل مرة قبل ما أنام بتبلش هالدوامة تدخل براسي وببلش التفكير ، بضل أفكر و أفكر بس بدون فائدة ، أنت مش فاهم علي صح مارح تفهم لأنه حتى انا مش قادر أوصل للاشي يلي براسي ومش قادر أفهمو ، حتى وانا بحاول أشرحلك راسي صار يوجعني ، أنا بتوه كل يوم في عقلي وما بعرف السبب ، مش قادر اوصل للباب يلي يخرجني من هالعجقه ، أنا بشوف في راسي كثير أشياء أفكار ، مشاعر ، مواقف ، و حتی کلمات من أشخاص ، أنا ملخبط بدي اهدأ هالتفكير رح يقتلني ورح يغير ملامحي ولا أقلك خلص أنسى الكلام الي حكيتلك ياه أنا منيح بس كيفك انت !🖤

كتير اشياء بتصير معنا لا مشاعر ولا احساس ولا كلام بوصفا
احسنتِ الانتقاء
دام ابداعك حبيبتي
❤️

كل الشكر و التقدير

عوافي لطرحك الراقي

بعض الأحاسيس لا يمكن وصفها
ولا يمكن لأحد غيرك أن يشعر بها
شكرًا لك للنص
راق لي

هالإحساس كلنا بنعيشه و الله
نص لامس قلبي جداً جداً
و مؤثر جداً
ارق تحيةة

اصعب شي لما تحس بشي وم تقدر توصفه
النص قريب للقلب بشكل كبير
يسلمو دياتك ع الطرح الرائع
عوافي

ممتنه لحضضوركم الجميل
كل الود