أخبار_عالريق

#أخبار_عالريق اليوم رقم 800
✅يكتبها/ #سعيد_الطويل

■شب مغترب اسمه محمد أبو ستة طلع من غزة على بلجيكا عشان يشوف مستقبله مبارح طعنه واحد مجر.م بسكينة ومات الله يرحمه

■ بعد الشب كريم الجدع إللي عمل عملية مبارح الصبح بالقدس استــ ـشهد طفل اسمه يامن جفال بالضفة.

■اليوم حيصرفوا رواتب موظفين السلطة ان شاء الله من البنوك.

■يوم الأربع والخميس الجايات حتعلق المدارس بالضفة آخر حصتين عشان رواتب الموظفين.

■المباحث فتحت تحقيق بقضية سرقة 120 ألف دولار وشوية شغلات بمخيم الشاطئ بغزة

■أكثر من 3 تلاف مولود الشهر اللي فات بغزة ،ما شاء الله

■الجالية الفلسطينية بأوكرانيا نزح أكثر من نصهم عشان الحرب ..ربنا يحميهم

■نزلوا سعر العمرة تقريبا 130 دينار مش 90 وبرضه ضلت غالية.

■لقيوا السفير الهندي ميت جوا السفارة برام الله .

■في أسـ ـرى ع فكرة مقاطعين محاكم اليــ ـهود عشان الاعتقال الإداري وعددهم 500 مش قلال يعني والهم فوق ال60 يوم.

■الكور.ونا ضايلة بس الناس تعايشت معها زيها زي الانفلونزا وأقل شوية وكل يوم في ناس بتتوفى الله يرحمهم

■الخضرة غالية والجاج سعره بالعلالي ووضع الناس مش شد ايدك وكل واحد فيه إللي بيكفيه

💤ديروا بالكوا على بعض وتزيدوش على بعض الهم والغم وتضلوا تفاقعوا ببعض وتكثروش معارف وصحبة لانه العدد في اللمون يخوي ..واحد ولا اثنين بيكفوك عن طابور ملوش لازمة

#صباح_الخير للناس إللي بتحاول تصنع من كل هالظروف حياة تنبسط فيها ..زي إللي بيصنع من الفسيخ شربات بالضبط

🙏الله يكون بالعون

🖋 هيك صار إلنا 800 يوم بندوش فيكم بنكتب النشرة لو حابين نكمل جاهزين ولو خلص ازهقتم حاضرين برضه
حطوا لايك وتعلقيكم أو نصيحتكم لو عجبتكم فكرتنا لنكمل فيها ..

#صباحكم_سعادة 🌹
الاثنين 7-3-2020

يسسلمو الامميرر
+ وردهةة

يسلموو ع الأخبار المنوعة
والمتابعة الجيدة أخي
ربي يسعدك ويحفظك
طابت مساءاتك

كل الشكر والتقدير

مشكور لنقل الأخبار
تحياتي لك

شكرا للمتابعة
يسعد مساك

عوافي الامير

مشكور على المتابعة
تحياتي

السلام عليكم ورحمة الله وبركاته



يسلمووووا ع النشرة الاخبارية المنوعة



يعطيك الف عافية



بانتظار جديدك دائما







تحيتي

اخبار الكثير منها يحزن