نفسي يا دكتور ابني....

" نفسي يا دكتور ابني ينطنط على الكنبايات زيّ ولاد الناس " ..
" نفسي يا دكتور ابني يضحكلي ويبتسملي "
جملة قالتها إحدى الامهات المصاب طفلها بشلل دماغي ..

🔹لمّا اكون قاعد في البيت و أشوف أولادي قاعدين بتنطنطوا على الكنبايات وبزنّوا فوق راسي ، وبلعبوا بالمعالق والطناجر برتفع ضغطي وبنرفز وبتدايق ..

#بس ..
لمّا أنزل على عيادتي وبحكم عملي كأخصائي أطفال ، وأشوف ولاد الناس وأمراضهم وكيف بعض الناس عنجد عنجد متبهدلة في أولادها وبقالبوا فيهم من قرنة لقرنة ..

🔸وقتها بسكت وبستشعر نعمة ربنا اللي انا عايش فيها وبحمده على نعمة الصحة ..

" الجري وراهم أحسن من الجري فيهم" ..
هاي الجملة لازم تكون شعار كل أم او بالأحرى كل أُسرة "

🔹بالعربي اللّي عنده طفل سليم معافى مهما زنّ و مهما جرى وراه الواحد و هو داخل بيته ، يصلي ركعتين شكر و يحمد ربنا كتير لأنه فيه ناس مقضية عمرها تجري فيهم بين المستشفيات ..

🔸و تحية إجلال وإحترام من قلبي لكل أم بشوفها بتجري بإبنها اللي عنده اعاقة خصوصاً الإعاقة الذهنية اللي ما بيتعرف عليها ولا بيضحكلها ولا بيتكلم معاها ..
و رغم هاد كله ماسكة فيه وما فقدت الأمل وما تمنت ترتاح منه ..

#عزيزتي_الأم ..
لو ابنك في حضنك و بيبتسملك و بتتكلمي معاه بس متعبك و مغلبك و مجريك وراه ..
احمدي ربنا كتير انك بتجري وراه مش فيه ..

د. أحمد نيروخ ..

اي والله الحمدلله ع هيك نعمة لازم نشكر ربنا كثير
والله يعافينا من هيك اشي
يعطيك العافية لادراجك القيم ..

الجري وراهم أحسن من الجري فيهم

احسن كلمه حكاها الدكتور
بجد الله يعينهم ويرفع عنهم مبتلاهم
شكراً كثير ملاك
علي طرحك الحلو والجميل

فعلًا الحمد لله
طرح مؤثر
يسلمو ملاك

طرح جدا مميز ومفيد
م ننحرم

كل الشكر و التقدير

السلام عليكم ورحمة الله وبركاته



يسلمووووا ع الطرح القيم والمفيد



يعطيك الف عافية



بانتظار جديدك دائما







تحيتي