أخبار_عالريق 559 يوم ✅يكتبها/سعيد الطويل

أخبار_عالريق 559 يوم ✅يكتبها/سعيد الطويل

■متأكد انه محدش نام فينا اليومين إللي فاتوا زي الخلق ، بصراحة قصة الشباب بتكسر الخاطر وبتحسها طافية قلوبنا ،التعاطف كبير مع الشباب وتعبهم وسهرهم ليالي طويلة عشان يتحرروا...
حركوا فينا كل حاجة حلوة فيها انتماء للوطن وزاد فينا الحقد على احتلال مجرم بيرحمش ..

■عالساعة تسعة بالليل بالضبط زمرت عندهم وطلع صاروخ من عنا عليهم .

■ع وجه الفجر اليهو،ود شمطوا علينا فوق ال20 صاروخ ع رفح وخانيونس والدير والمرة هذه مقربوش ع غزة والشمال.

■أربع أبطال كانوا شامخين رافعين روسهم عيونهم زي الصقر،طلعت صورههم من جوا محكمة الناصرة كل واحد فيهم زي الأسد ،وحواليهم كبشة كلاب خايفين منهم.

■مددوا حبسهم ليوم 19 بنفس هذا الشهر وموجهين الهم أربع تهم ،إلهم الشرف فيها كلها.

■أبو عبييدة قال كلمتين ورد غطاهم فش صفقة جاية بدون هدول الشباب الأربعة ،وقال خلي واحد يقرب من مخيم جنين وحيشوف شو بيصير من الآخر يعني.

■شباب جنين مقصروش وطخوا كذا مرة ع الخونة قصاصين الأثر.

■عشان منظلمهمش أهلنا بالناصرة طلعوا مبارح قدام المحكمة وحيوا الأربع شباب وطلعوا مسيرة ثانية دعم الهم.

■بكرة في اضراب شامل في جنين ودعوات للتظاهر والاشتباك .

■نقابة المحامين بكرة معلقة الدوام بالمحاكم بكل أشكالها تضامن مع الأسرى.

■بصراحة معنويات أهالي أسرى النفق فوق ريح بكفي أولادهم علموا ع قرعة بيينت وخسروا كيانهم مليارات.

■عرض مسلحين بالخليل كل الدنيا انتقدته ،طلع عشان انقتل واحد من عيلة وبلشوا يستعرضوا والوضع بيسمحش بهيك شغلات .

■أربعطعشر واحد مات جديد بالكو رونا مبارح أعلنت عنهم الصحة.

■المنحة القطرية يوم الأربع الجاي وحتضل تنصرف لمدة أسبوع بالدور.

■عليا الضمان فش هيبة صار لموضوع المنحة وكل الدنيا نقت فيها،وحرموا شباب غزة منها وذلوا الناس وبهدلوهم ،بس ما باليد حيلة ،الله يكون بالعون وبس..

#صباح_الخير صباح الفخر صباح الحرية القريبة ان شاء الله للأبطال الأربعة الجدعان لزكريا ومحمود ومحمد ويعقوب ،الله يقويهم وينصرهم ويفرحنا بطلعتكم بالسلامة ..هاااانت ..

#صباح_الخير لمناضل وأيهم الأحرار ،إللي دوخوا جيش بحاله ،ربنا يثبتهم ويحميهم ويعمي عنين الخونة وقصاصين الأثر عنهم يارب .

#صباح_الخير خص نص لأهل الناصرة اللي عمرهم ما تأخروا بجودهم وكرمهم ،بننساش أيام الحرب ع غزة كيف كانت الناصرة طالعة عن بكرة أبيها وحرقوا الدنيا عشانا ،ولليوم في أسرى محبوسين عند اليهود من ورا القصة،تخلوش الاعلام المدسوس يخرب بينا وبينهم ..

#الله_يصبحكم_بالخير ويفرجها عليكم ويسد عنكم ديونكم ويريح بالكم ..
الأحد 12-9-2021 🌹

#كثفوا_دعائكم للأبطال الستة ما بدهم منكم إلا دعائكم خاصة الحجات الكبار فيهم البركة كلها ..

الله يفرجها
يعطيك العافيه

ربنا يحسن الاحوال
يسلمو ع المتابعة
عوافي

ربي يصلح الحال والأحوال
يعطيك العافيه ع المتابعة الجيدة
ربي يسعدك حبيبتي

منورات ياحلوات
شكرا لمتابعتكم