الله يرحمك يمه

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة الاغلاط وانفذ ما تبي بسكات

واصلي الفجر في وقتها قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني

فشش بععد الأم
+ اللهه يخخلي ككلححدن إمموو
+ ييرحمم يلليي مميتينن
+ يسسلمموو دياتكك ع مجهودكك
الححلوو ")
وردهه

الام جنه الدنيا
ربي يحفظ امهاتنا ويرحم الميتين منهم

اقتباس   المشاركة الأصلية كتبت بواسطة سستيلا فشش بععد الأم + اللهه يخخلي ككلححدن إمموو + ييرحمم يلليي مميتينن + يسسلمموو دياتكك ع مجهودكك الححلوو ") وردهه

الأم مدرسة إذا أعددتها أعددت شعبا طيب الأعراق
اللهم آمين
اللهم ارحم جميع موتانا وموتى المسلمين
الله يسلمك ويسعدك دوم
شكرا لك

اقتباس   المشاركة الأصلية كتبت بواسطة قبانية الهوى الام جنه الدنيا ربي يحفظ امهاتنا ويرحم الميتين منهم

اللهم آمين
اشكر مرورك المعطر بالياسمين

شكرا ع جهودك
يعطيك الف عافيه

	السلام عليكم ورحمة الله وبركاته يسلمووووا ع الكلمات الجميلة يعطيك الف عافية بانتظار جديدك دائما تحيتي