[ سسسسسسسسؤال لنققاش ععنن ككوورونااا ] 😷

بعد تأكيد إصابته ب الكورونا
و عزل نفسه داخل المنزل
تركته زوجته و أخذت أطفالهما لأهلها
خوفاً على نفسها و أطفالها
و الآن بعد أن تعافى تماما من المرض بمساعدة أخيه
رفض عودة زوجته للبيت

سؤال للنقاش

هل ما فعله صحيح ؟
او عليه أن ينسى و يتجاوز و يسامح ؟

م / ن


بااي

المريض اكتر شي بحاجته خلال فترة مرضه حد يخفف عنه المه
والنفسية بتلعب الدور الاكبر بعلاج المريض
صعب فكرة انو يتخلى اقرب الناس عنك
وانت بامس الحاجة الهم
انا لو ام وابني معه كورونا ؟بترك ابني يموت ووبهرب لاحمي حالي؟
لو الاب او الام لا سامح الله هددهم المرض بخليهم لاني خايفة ع نفسي
والزوج بالنسبة للمراة حياتها وكل عالمها
بأمن اولادي عند اهلي ومستحيل اترك زوجي يعاني مرضه لحاله
صدمته كانت كبيرة
وعادي تكون هيك ردة فعله
ورغم كل المعارضين للزوج واللي ح يعارضوا رأيي
انا تماما مع موقف الزوج

عوافي سكرتنا

زوجته ما تركته لتحمي حالها
تركته لتحمي اطفالها و تحميه من عذاب الآخرة
لأنه لو بقيت معه و هو مريض يُعتبر بنظر الإسلام
مجرم و قاتل ، و هاد تصريح من المفتي
اي انسان بعرف انه مريض و بخالط يعتبر قاتل

اصلاً هاد الزوج لو انه بمشفى لكان معزول بغرفة حتى الأطباء ما بشوفهم

انا بستغرب من اللي بزعل ليه ما بنزوره و هو مريض !
للأسف الناس اعتبروا الكورونا متل الإيدز
لهيك المصاب بحاول يصيب غيره حتى ما يكون لوحده

انا ضد تصرف الزوج الجاهل و اللي بدل على قلة وعيه

تحياتي

كل الشكر و التقدير

اهنيك ع الذوق
إبداع في الطرح وروعة في الإنتقاء
وجهداً تشكرون عليه
دمتم بروعة طرحكم
أكاليل الزهر أنثرها في متصفحكم

بشوف ردة فعله طبيعيه ..
نحنا بتحكي عن مريض محجور بمنزل وليس بمشفى خاص
والمريض يحتاج لحجيات ..
كان فيها تأمن الاولاد خارج المنزل وتبقي هي بجواره
وتستطيع بعدها أن تجد اسلوب لخدمته دون الاختلاط به .. وحينها يكفيه مساعدته النفسيه
والمرض ليس بالقليل الي هدا الحد

مشكورة باربي ..

كان المفروض فيها تاخد اولادها لعند اهلها
وهي تبقى ع رعايته مع اخد الاحتياطات اللازمه
الحياة الزوجية مشاركه بكل شي بالمرض والصحه والحزن والفرح
ما كان مفروض تتصرف بهاي الطريقه معه
هاي انانية منها
لتفرض انه المصاب هو ابنها او امها كانت رح تعمل هالشي اكيد لا
وهو كمان ردة فعله كمان مش لهالدرجه
ممكن يزعل بس كمان ما برفض انها ترجع للبيت
بيناتهم اولاد حرام ينظلموا معهم

عوافي حبيتي