شوية حكي عشان اولادك قبلك 🌹

👩‍👧‍👦#ما تجاملي حدا على حساب اولادك و بناتك
👩‍👧‍👦#ما تسمحي لحد يتمسخر على ابنك و انت قاعدة و بتضحكي!
👩‍👧‍👦#ماتخلي حدا يوصف بنتك صفه سلبيه قدامها، و انت تردي و تحكي اه معك حق !
👩‍👧‍👦#ما تسمحي لحدا يزيد غضبك على ابنك و يخليكي تصرخي عليه او تضربيه قدام الكل!
👩‍👧‍👦#ماتبلشي تشكي عن ابنك و كيف مغلبك و هو قاعد جنبك و بسمع!
👩‍👧‍👦#ممنوع تسمحي لحد يقارن بين ابنك و ابنه مقارنات بتقلل من شأن ابنك!!

كل هالمواقف بتشوفيها صغيره و عادي كلمه و بتنحكى!
لكن في الحقيقه هالكلام ممكن ياثر تأثير كبير و يقلل من ثقة طفلك بنفسه!!
او ممكن ابنك يزيد و يزيد بعناده و في ممارسة السلوكيات السلبية!

💁🏻‍♀️حافظوا على اولادكم و احترموهم و كونو معهم مش عليهم!!
من حقك تطوري في ابنك و تحاولي تلاقي حلول لطفلك!
مش قدامهم بس بينك و بينه!

مش اي حدا تستشيري و تسالي!
في ناس بس بتحكي و بتتفلسف و هيه ما عندها علم و مش قادره حتى تحل ابسط مشكله لاولادها!!

بكفي تنمر و ما تكوني مع المجتمع على اولادك!

ثقة الاولاد من ثقة الاباء بهم
راقني طرحك

سلمتي

فعلا مواقف صغيرة، لكن تأثيرها كبير ع الاولاد

موضوع قيم جدا.
يسلمو دياتك
وماننحرم مواضيعك
ودي

راقني جدا طرحك
وم بظن في حدا بيقبل حدا يتمسخر او يحكي كلام مش منيح ع اولاده او بناته
عوافي لادراجك الجميل

كلامك صح والله
بس الي يفهم هالحكي
طرح حلو ملاك
يعطيك العافيه

كلام سليم ملوكه
كل هالحكي بكون اله تأثير ع نفسية الطفل
طرح قيم
يسلمو هالديات

اقتباس   المشاركة الأصلية كتبت بواسطة خالد ثقة الاولاد من ثقة الاباء بهم راقني طرحك سلمتي

شكرا خالد

صدقتي حبيبتي
بس اغلبيه الناس مابتفهم لااسف
طرح قيم كثير
دمتِ مبدعه

اقتباس   المشاركة الأصلية كتبت بواسطة سكون وانين فعلا مواقف صغيرة، لكن تأثيرها كبير ع الاولاد موضوع قيم جدا. يسلمو دياتك وماننحرم مواضيعك ودي

ودياتك يارب

بذور الثقة والاحترام والقوة تزرع في الطفل
من ابويه اكيد
ومن ناحية اخرى اي شخص في حياتك
امر مخزي ان تضحك عليه الناس وتجعله مهمش من الاخرين
طرح جميل شكرا كثير الك