امهات غريبة و الله 😄😄

س سؤال يا سِت ماما :-

مغرقاني بودرة تلك و برفانات ليه ...؟؟!!

أنا أصلاً من غير حاجة ريحتي حلوة لإن معنديش غُدد عرقية زيكم إنتم الكُبار .. غير إن بودرة التلك بأي نوع ممكن على المدى الطويل تسببلي حساسية على صدري و البرفانات الكتير بتخلليني مش عارف أشم ريحتك و دا بيقلب مزاجي و بيضايقني كمان ممكن تسببلي حساسية جيوب أنفيه .. من فضلك تكتفي بالشاور و هدومي تكون نظيفة غير كده أنا مش محتاج حاجه 😎

س سؤال تاني يا أمي :-

بتشيلي إيدي من بُقي ليه .... بتضايقيني ليه .... أنا ضايقتك في حاجه يا ستي ؟؟!!
أقوى خلايا حسية عندي و أنا صغير بتكون في الفم و بتكون أقوى كمان من الخلايا اللي في أطرافي ... علشان كده باستخدم فمي في الإستكشاف و كل حاجه هحطها في بقي لِعب ... إيدي ... رجلي ...أنا حر يا ناس
كُل اللي عليكي تبعدي عني الحاجات الصغيرة علشان ما تسببليش إختناق لا قدر الله .... و لو ...لو ... لو.... إستمريت في مص صوابعي لِعُمر ٣ سنوات إبقى إبدأي دوري على حل ... أظن مفيش أسهل من كده 😎

س سؤال تاني يا ماما يا مجنناني :-

مِش بتقصي أظافري بإنتظام ليه .... هاه .... ليه ؟؟؟
يا مامتي يا حبيبتي أنا ضوافري بتطول أسرع منكم إنتم الكُبار بمعدل الضعف يعني ضافرك لو بيحتاج يطول في إسبوع بيطول عندي في ٣ أيام بس لإن التمثيل الغذائي عندي أسرع ف ياريت تخللي بالك من النقطة دي لإني خرشمت وشي و بقى شكلي شوارِع ..😎

س سؤال لمامتي :-

هو ليه بتضايقي لما بأقرصك و الا بألسوعك و الا بأمسك صوابعك و إنت بترضعيني .... أنا بالطريقة دي بقولك بحبك ... مش بأعرف أتكلم يا ناس و دي طريقتي في التعبير ...إفهموها بأه 😄

س سؤال لوالدتي الحبيبة :-

ليه كُل الجيران يعرفوا إني مسهرك طول الليل .. ليه الفضايح دي ؟؟!!
أولاً أنا بأنزل من بطنك مش عارف ليل من نهار و دا لإن ساعتي البيولوجية لسه مش شغاله .. كمان المواد اللي جسمي بيفرزها علشان أنام بيبقى إفرازها غير منتظم ... و كل دا بيبدأ يتظبط عند الشهر السادس و بشوية تنظيم منك بإنك تهدي الجو بالليل و تضلمي الدنيا و تساعديني أنام ... هاعرف الليل من النهار و أنام زي الناس .... بس لو ماعملتش كده إستحمليني إبنك بردُه و واجب عليكي 😄😄😄

دا مش سؤال دا طلب من الغالية 😄:-

من فضلك لو فتحتيلي قصة مصورة علشان تقرئيهالي ما تتضايقيش إن إتحمست و بخبط على الصفحات و تزهقي و تقفلي القصة .... أنا في السن الصغير بشوف الصور ثلاثية الأبعاد و ببقى فاكر إني هاقدر أمسكها زي اللعب .... أصبري عليا و كملي قراءة و فرجيني على الصور لإن دا هايساعدني أوسع مداركي و أبقى أذكى و أتطور بسرعة و أنا أوعدك بعد السنة هشوف الصور ثنائية الأبعاد و مع الوقت هاسمع القصة و أنا عاقل 😌😄

نِرجع للأسئلة 🤨....س سؤال للست ماما العزيزة :-

هو لازم خالتو ديدي و طنط نونا و أنكل مو و أنّا ميمي يعرفوا إني بريّل و مفاصلي بتطقطق.... لازم ؟؟!! و الله ما لازِم و لا حاجه 😄
أنا بريّل علشان جهازي العصبي لسه ما إكتملش و قدرتي على البلع لسه ضعيفة و بالتالي مش بقدر أبلع كُل اللعاب و دا مش شرط يكون تسنين و لا فطريات ... أنا كِده خلقتي كِده و مع الوقت و بعد عُمر سنة الأمور بتتحسن .... ماشي 😉

نيجي بأه للطقطقة و اللي بتبقى بسبب إن أوتاري بتتزحلق على بعضها يعني حاجه طبيعية في سنّي و لا هي خشونة و لا تٱكل في المفاصل دي حاجات تجيلكم إنتم الكُبار 😜😜
تقلقي بس لو لقيتي مِفصل الفخذ هو اللي بيطقطق و في الحالة دي خالتو دينا و طنط زينب و أنكل فرحات و أنّا بهيجة مش هاينفعوكي 😄😄.... هتختصري و تروحي بيا على دكتور عظام أطفال يطمنك إني معنديش خلع في مِفصل الفخذ ... ألف بعد الشر عليا طبعاً 😌

تعالي هنا ....جوابتي على أي سؤال من اللي فاتوا و الا شاطرة بس تشتكي مني في كُل المحافِل العائلية .... مش كِده يا حاجه برستيجي إتبعتر خاااالص 🤨🤔
امهات غريبة و الله 😄😄

هههههه حبيت الموضوع
دائما انتقائك جميل وانيق
ماننحرم عسوله

"
جميلة جداً طريقة تقديم النصائح للامهات في التعامل مع ابنائهم
يعطيك العافية لادراجك القيم والراقي ..

الله لايحرم حدا هالنعمة
طرح جدا راق لي
لاخلا ولاعدم
وردي

لزيزة الفكرة
وحبيتها كتير
يسلمو نقاء

ههههههه قرأت متل هيك مواضيع كتير و منشورات
يسعدكك للإدراج

موفقه باختيارك
ننتظر المزيد من ابداعك
كل الشكر و التقدير
كل عام و انت بخير