أخبار_ اليوم

#أخبار_عالريق 160
✅يكتبها/سعيد الطويل
■والله أخبار اليوم مش حلوة وبتريحش حد وبتسد النفس ،بس خلينا نقول الحمد لله وربنا يحفظنا احنا وانتوا.
■بدينا يومنا مبارح بحريقة بشقة بعمارة حمدان برفح واتصابوا تلاتة بس الحمد لله سيطروا عالوضع.
■الحالة الثانية اللي بينتحر فيها شب بقطاع غزة من أول رمضان ،يا لطي١ف الطف بهل الشهر الكريم.
■من الصبح اندهس ولد صغير بيزحف برفح عمره سنة ونص من دار أبو صيام ومات وبآخر الليل مات كمان ولد عمره 3سنتين اسمه احمد مسلم من المغازي.
■بنت صغيرة عمرها سنة ونص وقعت من فوق عمارتهم وماتت ببيت لاهيا ..الله يحفظ صغاركم.
■شب جدع حاول يطعن يهودي واستشه.د في كفار سابا.
■"اسرائيل" بدها تدخل عندها 80 ألف عامل من اول الأسبوع الجاي بس بشرط يضلهم بياتين لآخر رمضان ميروحوش ع دورهم .
■عدد اللي ماتوا من الكورونا بالعالم قرب على الربع مليون انسان؛والاصابات قلطت ال3مليون.
■بيقلك جربوا نوع ابرة على قرد وزبطت بس بدهم يتأكدوا منها.
■نيوزلندا الدولة الوحيدة اللي قدرت تتخلص من كورونا عالآخر.
■رئيس الحكومة اشتيه بيشكر الرئيس على تعديلاته الأخرانية اللي عملها بخصوص قانون تقاعد الوزراء والناس الكبار بالدولة.
■فش اصابات جديدة للكورونا بغزة ،بس ضايلين سبعة بمستشفى المعبر بيتعالجوا.
■ بصراحة مجموعة كبيرة من الولاد اللي بيسحروا ماخذين الموضوع مسخرة ونصهم بيفكروا القصة زفة فدعوس.
■الدولار صار ب3.50،يعني نزل شويتين.
■ بيقولوا البنزين بده ينزل أول الشهر بزيادة .
■النسوان لسة قاعدات بيبيعوا ذهبهم وبيحوشوه بس الخوف يجي الزلمة يقش المصاري ويتجوز يختي .
■بيقلك في بندورة اسمها أكرم بتنزلش الا مرة وحدة بالسنة طعمها أزكى من التفاح ،هيها موجودة هالأيام بالسوق.

#صباح_الخير للناس الي نامت وصحيت ع ضو الليدات التعبانة وماتور المية اللي يادوب قادر يعبي التنكات .
-صباح الخير للناس اللي صدعت من كثر التفكير ببكرة وهمه وغمه وتفاصيله..وكل أمرك لربك يا راجل وحتفرج.
-صباح الخير للناس اللي معبية ديون وبابهم دارهم مسكتش من كثر ما دق عشان يسدوا وفش غير طبخة بكرة بالدار.
-صباح الخير للأب اللي ناوي يغيب عن الدار شهر وينحجر شهر ثاني بعد ما يروح عشان يقدر يعيش أولاده حياة كريمة لو فترة زغيرة.
-صباح الخير لكل ست شايلة هم بيتها وولادها وجوزها سايبها وملوش دعوة فيها.
-صباح الخير لكل شب حيضل صاحي عشان ينزل يشتغل بالبنا والطوبار عشان يروح قبل المغرب بيومية أولاده وكيلو قطايف

تسلم على النقل والمتابعه ورده

شكرا ع المتابعة والنقل
دامت جهودك

سلمت عالمتابعة

يسلمو ع الاخبار
وعوافي ع جهودك

الله يفرجها ع العباد
يسلمو للنقل

الف شكر عَ المتابعة و النقل
عوافي