الاخبار الصباحيه اليوميه "ع الريق"

■للأسف هذه السنة فش صلاة بالجوامع بشهر رمضان وهذا اجماع لغالبية المشايخ والعلماء.
■العالم قاعد بينهار الفول صار أغلى من السولار .
■"طلع ايدك من جيبتك" الكلمة اللي قلبت كيان الفيس بوك مبارح بعد مؤتمر اشتيه.
■اليوم حترجع تشتغل المحاكم بغزة من أول وجديد ،يلا من نصيب اللي الهم نفقات والناس اللي الها حقوق تعطلت.
■مسكوا مبارح برفح 130كيلو لحمة خربانة وسمك متلج مضروب وسكروا المحل "الله لا يكسبك يا راجل على هالعملة"
■امتحانات التوجيهي ب 30خمسة يا هيثم.
■بالضفة الغربية ممنوع أي حد يطلع من داره بعد الساعة سبعة ونص بالليل
يعني يا خسارة راحت أجواء رمضان يبو طلال.
■اللي معها قرشين تجيب فيهم دهب وتضبوا وتتوكل ع الله سعره حيغلي الفترة الجاية وحتلاقيهم لقية.
■ماتوا مبارح تنتين يهوديات كبار بالعمر "بإسرائيل" وصار عدد كل الي ماتوا 179 .
■ترامب بده يخبي 75 مليون برميل لأي زنقة عشان الوضع اللي زي الزفت اللي هما فيه.
■ الرئيس أبو مازن بيقول بدناش نصدر الخوف للناس وفش موعد محدد حتى تخلص الكورونا.
■مجدلاني بيقول انه قبل رمضان حيوزعوا 500شيكل ع كل واحد تضرر وقعد عن شغله بهذه الأزمة وعدد اللي قدموا 63 ألف اسم.
■المشمش المجفف مرخصينه شوية هذه السنة، والتمر الموجود بالسوق مش شد ايدك.
■علب الطلطي الموجودة بالمحلات بتكفي ناكل منها لسنتين جايات.
■فش افطارات جماعية هذه السنة برمضان.
■الجاج الفروج سعره قاعد بيغلي شوية شوية ،والديوك البلدية تلت ترباعها عتاقي.

اسوء خبر استمرار اغلاق المسااجد في رمضان
يعطيك العافية لادراجك ..

شكرا عالمتابعة

سلمت مؤمن

لاحول ولاقوة إلا بالله
الله المستعان

مشكور ع المتابعة مؤمن

تسلم لنقل الاخبار
ماننحرم

الله يفرجها ع العباد
يسلمو للطرح

العالم قاعد بينهار الفول صار أغلى من السولار .
هههه خبر عظيم
عوافي

الله المستعان
النقطة اللي لازم بأول هالأخبآر هي
انو ما تسجل اي اصآبة خلآل الـ 24 ساعة الماضية
محتاجين شوية تفآؤل
شكراً لك

شكرا ع المتابعه مؤمن
وعوافي ع جهودك

■اللي معها قرشين تجيب فيهم دهب وتضبوا وتتوكل ع الله سعره حيغلي الفترة الجاية وحتلاقيهم لقية.
ههههه
يسسلموو مؤمنن
+ أخباار مششاللهه ععنهاا هع
وردهه