[ ححبيبتي ممنأآ ككاملةة ]

لا , حبيبتي منّا كاملة !!

لمّا بدّا تحكيلي قصة .. لازم لـ توصلّي الفكرة
كل شوي تقلي ( يعني كيف بدي اشرحلك ؟! )

ما بتعرف تحس بـ شي .. وتعبّر عنه صح
ع كتر ما طريقتا غلط .. صاير معها ألف مشكلة

لا , حبيبتي منّا كاملة !!

إن سمعت شي غنية حزينة .. بلاقيها عم ترقص عليها
وممكن كتير إنها تدّمع ع شي غنية المفروض إنها بترقص

بتخلق المشاكل من حيثُ لا تعلم .. ولا أحد بيعلم -_-

فينها تقدّر وتستوعب أكبر المواضيع
بس ع الصغيرة .. بيعصلج مخّا .. يعني بيوقّف .. بيكربّج

وتبلش بقا .. :
ليش هيك عملت ؟!
يعني شو كان قصدك ؟!
ااه .. اي صدقتك
احلف .. يلا يلا .. مستعد تحلُف ؟!

لا , حبيبتي منّا كاملة !!

فيني لاقيها بلا مكياج , بـ ربطة شعر , و بيجامة ( لما نكون مبسوطين )
وفيني شوفها متمكيجة وبأحلى تياب وراجعة من الكوافير (لما نكون متزاعلين)

عنيدة , مزاجية , عصبيّة , رايقة , رومانسية وقت بدّا , وغبيّة بـ ذكاء !!

لا , حبيبتني منّا كاملة !!
بس لمّا بتغيب عنّي .. بيغيب عنّي كلشي

ببلش اترك دقني تطول .. بهمل تيابي .. بزعل ع كل غنيّة بتفرّح
ببلش ضيع بـ إحساسي .. ما بعرف شو بدّي .. وبعصّب ع ولا شي

يمكن ؟! أو أكيد ؟!

أنا يلي ما بكمل .. من دون حبيبتي الـ منّا كاملة !!

بااي

هاد الحب الحقيقي.لما نحب بدون م نشوف العيوب
حبيت هالطرح.بجنن
يسلموو ننوش

ما أجمل الحب الصادق
لانو مشاعر مو تسلايه
كتير حبيت
الله يبعتلك ايام حلوة
و
سنين احلى
❤️

وااااو ابهرتيني ب هالكلام الرائع
هذا الحب الحقيقي
كل واحد بتنازل للتاني عن شي
قد م يكون بينهم مشاكل بس م فيهم يستغنوا عن بعض
رؤؤؤؤؤؤعه ننوووش
حبيت كلامك
بس هذا بلاقيه بالمسلسلات التركية هههه
عوافي ي عسسسل

كثير عجبني الكلام
جميل ورائع
يسلم ايدك علي الاختيار
كل الشكر الك

لما نحب حدا ما بنكون كاملين ولاا بتكمل حياتنا ويومنا اللي فيهم
وبننقص ع اول غياب حقيقي بنعيشهم معهم
يعطيك العافية لادراجك الراقي والقيم ..

ما الزووووووووو الححكي
كتير حبيت
واحلى تقييم

عوافي سكرتنا

ماكامل غير محمد عليه افضل صلاه وسلام

لكل منا مميزاته وسلبياته

صفة الكمال لله وحده



إدراج مميز كتير

جلب مميز حبيبتي
دمتي مبدعه

كل الشكر و التقدير