كاسات الكنافة بالكريما😍🤤

مساء الخير ؛ ❤️ ... وصفة اليوم اسمها كاسات الكنافة بالكريما اخذتها من صديقتي ان شاء الله تعجبكم ♡

، المكونات : ربع كيلو عجينة كنافه ، سمنة ، للقطر : كاسة سكر كاسة ميه وعصرة ليمون ، رشة قرفة مطحونه او عود قرفة ، للكريما : ٢ شمينت متوكا ، كيسين بودينغ فانيل ، كاستين ونص حليب .. ❤️

الطريقة :- بنذوب معلقتين سمنة وبنحطهن عالعجينه ، ودغري بنفردها في صينية وبنحمرها في الفرن عدرجة حرارة ١٨٠
بس تتحمر بنضيف عليها القطر (مش لازم يكون ساخن كثير او بارد كثير) ؛ القطر كاسة مية وكاسة سكر وعصرة ليمون ورشة قرفة او عود قرفة...
بعد الترطيب بنحط شوية فالكاسة (معلقه معلقه ونص) والطبقه الثانيه كريما (خلط كل مكونات الكريما تدريجيا مع بعض) ممكن معلقتين او ثلاث فالكاسة واخر طبقه زي اول طبقه عجينة كنافه ..
للتزيين فستق حلبي مطحون او ما يحلو لكم ❤️
ساعه فالثلاجه
وصحة وهناا ❤️

كل الشكر و التقدير

شكلها لطيف
يسلمو للوصفة الطيبة شوق
ما ننحرم

شكلها زاكي كثير ومشهي
تسلم ايديكِ

شكلها بيفتح النفس
ادراج جميل
احترامي

كتير بحبا لـكنافة
م نجرب ان شاء الله
يسلمو شوق
الله يبعتلك ايام حلوة
و
سنين احلى

سهلة كتير وصفتها
بس شو هاد متوكا وبودينغ الفانيلا
بعرف شمينت تنوفا العادي
ممكن تصوريها

يسلمو كتير

يسسلمو ع الوصفةة حبيبتي
تعي ع الخليل عند ابو عبد دورا
بتاكليها جاهزة و بلا هالغلبة ههههه
يسسعدك

اممم

شكلها بشهي
تسلم هالايدين

هيك مناظر بتفتح النفس
شكلها زاكية وبتشهي
شكرا لك