نكتة جديده

سمعت من برنامج ع Tv أنو الرجل بيعشق وبيحب الزوجة البشوشة ، الضاحكة ، المزوحة أم الدُعابات 😊
بس عرفت هيك !! شغّلت المروحة وزتيت حالي ع التخت وقعدت أصفن بالسقف وأدور على طرق دُعابية فتّاكة يحبني ويعشقني فيها #على_حد_قولهم😊
سمعت صوت مفاتيحه فورا" شلعت من وجهي قناع البومة ، و ركضت لعندو متل الفراشة
بإبتسامة ساحرة وبراقة 😊
عملتلو غدا وبعدا شربنا شاي ، وصار وقت الدوعابة😊
قربت لعندو وقلتلو : قول ليفة
قال : ليفة
قلتلو : أمك حلوة ونضيفة😊
قول : سيفة
سيفة
قلتلو : أمك ناعمة وظريفة😊
قلتلو : قول ماكينة
ماكينة
قلتلو : ليش أمك ما عما تحاكينا 😊
قلي قولي : تومة
قلتلو : تومة
قلي : لأنك قلبتي وجهك عليها متل البومة 😆
قلتلو : قول ميماتي
ميماتي
قلتلو : لأنو أمك بتدحش منخارا بحياتي😠
قلي : قولي بسكليت
بسكليت
قلي : كلمة تانية بقلعك من البيت
قلتلو : قول بسكوتة
بسكوتة
قلتلو : اذا طلعت على هالبيت ما الي فوتة😠
قلي : قولي خمسمية
قلتلو : خمسمية
قلي وقت تروحي أوعك تنسي الهوية😂
عصبت وقلتلو : قول سفن أب
قال : سفن أب
قلتلو : مو بكرة تترجاني عالفيس والواتس أب😏
حملت غراضي ورحت طلعت لأطلع من الباب
لحقني وقلي قولي كنتاكي
قلتلو : كنتاكي 😒
قلي اقعدي والله البيت ماحلو بلاكي 😍
قولي : فروج
فروج😒
قلي : ريتو يؤبرني الغنوج
والكربوج
والعجعوج
#وأنا_ع_قد_مو_جدبة_وبرضى_فورا" حطيت شنتتي وبكلمتين حلوين رضيت 😣
بس قضالي كل السهرة على ضحك ومسخرة عليي ويقلي 😣
قولي كمبيوتر
بقلو : كمبيوتر
بقلي : انتي هيك سمينة ولا أمك مرضعتك باكنغبودر😂
#شو_أعمل_معه_أجيت_أسليه_صار_يتسلى_فيني😣
قولوا معي #برق
بربي الزلم بدها #حرق😆
بقلمي الدوعابي
#أم_النصر_
#تابعوني_بصفحتي سردات أم النصر
#جوزك_دلليه_حبيه_غنجيه_مشان_وقت_تقتليه_وتموتيه_ماح دا_يشك_فيكي😂