لكل فعل ردة فعل

نمر بمواقف منها ما يبقى محفور فى أوطان الذاكرة
ومنها ما يرحل دون شعور بدخوله وخروجه
تبقى المواقف أشد كلما كان صاحبها تربطنا فيه روابط أشد
فتسديد كورة لحائط من الباطون يرتد اليك بقوة أكبر من قوة تسديدك
سأخد مثالا لمرأة اختلفت مع زوجها وحملت منافعها وتركت البيت متوجهة الى اهلها ..
وحين السؤال لم تترك عيبا الا وقالته لاهلها عن زوجها متنكرة لكل ما هو جميل بزوجها او متناسياه لتدعيم موقفها عند الأهل
وتستغرب بعد هذا إن فكر بالزواج من أخرى أو التعامل بعدها وكأنها لا تشكل له شيئ ... ؟
ومثال أخر نحنا هنــا كأعضاء تجمعنا صفحاتنا وكلمة طيبة أو سيئة
لكن تستغرب من رد فعل عضو لاسلوب تعاملت فيه انت معه من قبل
من الاستحاله ان تستبدل الحسنة بسيئة ... ؟
ترى أنعتب علي ردود أفعالنا جراء تلقي فعل ؟؟
أعي تماماً أن الارتداد يكون أقوي من التسديد .. فماذا عنك ؟؟
أهل تستغرب ردة الفعل ؟؟ أم تتسائل ماذا فعلت أنا لأتلقى هذا الارتداد ... ؟.
لكم تحيــــاتي

حلو هالموضوع

بحياتى الواقعية وعلاقاتى الشخصية
مابترك ردة الفعل هيك الا اعرف شو سببه يعنى انا بشو غلطت
لو كنت غلطانه بدون قصد منى بعتذر
ولو ماكنت غلطانه فهنا نقطة . انه انت هيكا بتتبلى عليه بشي ملوش اساس من الصحة
فالزم حدك .


بعالم النت بيختلف الوضع
غالبا بطنش ومابدق
يعنى لما تكون السكينة حامية مممكن ارمى كلمتين بس لما اروق بلوم حالى انه ليه عملت هيك
بالنهاية انا بتعامل مع ناس مابعرف عنهم الا يلى بيحكو هما
فمش كتير بعلق اذا عملو غلط تكون ردة فعلى عنيفة
او انه احط حالى بموقف تكون ردة فعلهم مابتناسبنى
الا اذا عضو قلل ادب بشكل مش طبيعى وقتها لازم يكون فى موقف قوى اله .

وبس هيك ..


عوافى رنين الصمت

هلا اول ما قرئت العنوان اتبادر لذهني فورا قانون نيوتن الثالث اللي كلنا بنعرفه واتعلمناه
وبمناسبة الحديث عن قانون نيوتن الثالث:بدي اتطرق لقانون نيوتن الاول واللي نصه:
(( يبقى الجسم على حالته من السكون أو الحركة المنتظمة في خط مستقيم , ما لم تجبره قوة على تغيير حالته ))
رح احط الفيزياء ع جنب هلا بس كنت حابة اذكر هالنص لاحاول تقريب فكرتي الك مش اكتر-محسوبتك ما اكتشفت غباءها الا بحصص الفيزيا هههه-
رح احكي هون بالشي اللي اعتقدنا بيوم اننا بنفهمه .بالحكي عنا نحنا البشر..بالشي اللي تعملناه من مدرسة الحياة
والشي اللي اكتسبناه من البيئة اللي حوالينا...والمواقف اللي انفرضت علينا...ومن الناس اللي انوجدوا بحياتنا...واتعايشنا واتعاملنا معهم

رح اركز ع نقطتين جوهريتين بالموضوع وبشوفهم الاساس
اول نقطة
أنو «ردة الفعل» ما بتحصل إلا بوجود «فعل»!
يعي هون الناس بركزوا مع ردة الفعل وممكن يستهجنونها ويلوموا الشخص عليها...وهم متناسيين بالاساس اللي اتسبب بهالفعل

والنقطة التانية
انو ردة الفعل ما بتكون مبينة عالموقف بحد ذاته ...ممكن يدخل العامل النفسي جزء منها او درجة قرب هالشخص منك

اوقات بجيك شخص وبيحكيلك انت متغير عليي؟؟؟
او يتهمك انك متغير وما عدت متل قبل...وبيسال بينه وبين حاله يا ترى شو سبب هالتغغير المفاجىء...وليش انا عم شوف قدامي شخص بجهله؟؟؟وكاني ما بعرفه؟
هالتغيير ما اجى من فراغ ...وهالتغيير ما اجى بشكل مفاجىء هالتغيير سببه تراكمات فوق تراكمات ....خيبة ورا خيبة
قوة فعلا بتعصف فيك...بتخليك تحيد تماما عن حياتك السابقة
قوة بترميك وبتقلبك وبتشقلب كيانك ...بتفقدك اتزانك وتوزنك
وللاسف بتفقدك كتير اشيا كانت حلوة جواتك
هالشي كلو بكون ردات فعل منك ل افعال انفرضت عليك
وقتها مين بكون المسؤول؟؟؟انت او الطرف الاخر؟؟؟؟
مين الملام؟؟ومين حقه يلقي اللوم ع مين؟؟؟
ردة افعالنا بتكون بحجم الفعل اللي اتلقيناه...اللي قدر للاسف يغير جوهرنا
ونكون حد ما بيشبهنا ...بس هو نتيجة للشي اللي اتعرضنا اله

ما بعرف رنين ازا خرجت عن مضمون الموضوع...او اجت افكاري ملخبطة ومش مرتبة
وسامحني لاني حكيت بشكل عام وما اتقيدت بالاسئلة المطروحة
بس اللي بدي احكيه بنهاية موضوعك الجميل
لكل اتنين قريبين انصدموا ببعض واتصادموا ...وبغض النظر ان كنت انت اللي سددت الضربة او كنت اللي اتلقاها وارتدت عليك
ما تنسوا الايام الحلوة بينكم
لو الايام او الظروف منعت تواصلكم افتكروا لبعض كل الاشيا الحلوة اللي قربتكم ببعض بيوم من الايام
اذكروا هالطرف الاخر دايما بالخير....ما تنسوه من دعاءكم اله بظهر الغيب
ولو فعلا بهمكم الامر وما فيكم خسارة ببعض....واجهوا بعض....
ابحث عن السبب اللي خلاني اتصرف هيك ...اسال الطرف المعني بكل وضوح شو غيرك من ناحيتي...
ما اتخلوا التراكمات وسوء الظن احيانا وعدم الفهم باوقات كتير ...ما تخلوا هالاشيا تقضي ع شي حلو كان بيوم
ما تسترجعوا المواقف الاليمة بينكم ...استحضروا بذهنكم اللحظات الحلوة بس اللي جمعتكم
رجعوا المي لمجاريها ....ورجعوا للنفس سلامها ...وردواا للحياة صفوها.

خرجت عن النص هيك رسمي ههههه
بس انو مبسوطة بموضوعك وهيك لانك من زمان ما اثريت هالقسم بموضوع مميز
الف شكر رنين الصمت
تقديري واحترامي

كل انسآن بتكون له ردة فعل
و قوة ردة الفعل بتكون بحجم المصيبة
صرآحة انآ ما بتمالك نفسي و ردة فعلي بتكون قوية
بس مع الأشخاص اللي بنصدم من افعالهم اللي ما بكون متوقعة منهم السيئ
الطرف الآخر مجبور يتحمل ردة الفعل بسبب تصرفه
تحيآتي لك .

ناهه رددةة ففععليي بتححكمم ففيهاا
ممعع الناسس الععاديةة . . ")
بسس يلل ععلاققتي ففيهمم ققويةةة
ع ططولل بنفسسس اللحظهه بتبين
و بششراسسةة هههه "))
اققولكك ايششي ههههه ناهه بتججاههل ككمانن
و بسس انويي اتججاههل و لا اححيونن مننيي
يسسسلموو رنينن الصصمتت ")
ححبيتت لانن رججعتت لههاد الققسمم $_$
سسؤالل ججديدد و ححلو !
وردهه

الكلام مش منطقي مش بالضرورة ردة فعلهم تكون نتيجة لغلط عندي
لانه في ردة فعل لكل امر حتى لو صح بتلاقي مين يرد عليك
ف بتجاهلهم او برجع ارد عليهم مرة تانية ..

مش شرط ردة الفعل تكون سيئة
هالإشي مبني على أخلاق الشخص وكم الوعي والإدراك اللي عنده
عن نفسي مؤمنة عظيم الإيمان بكلام ربي "ولا تنسوا الفضل بينكم"
سواء كانت علاقة صداقة أو زمالة أو غيرها من العلاقات
بعدين فيه مواقف بالحياة بتتطلب منك يا إما تقابل الإساءة بالإحسان يا إما المعاملة بالمثل، وعن نفسي بفضل الإساءة بالإحسان والتجاهل المطلق لأنه لو ضلينا نقابل الإساءة بالإساءة فمتى راح تنتهي الإساءة من العالم !
ما بعرف إزا طلعت عن موضوع النقاش الأساسي
بس هيك خطرلي
يسلمو رنين الصمت

مش حخوض بالموضوع واجاوب بدقه وتفصيل
بس ححكيلك شوف اجابات الاغلب
ردة الفعل حسب معزة وغلاوة الشخص الي حصل منه الفعل...وبس

اقتباس   المشاركة الأصلية كتبت بواسطة نقاء مش حخوض بالموضوع واجاوب بدقه وتفصيل بس ححكيلك شوف اجابات الاغلب ردة الفعل حسب معزة وغلاوة الشخص الي حصل منه الفعل...وبس

أتفق معك ومعهم ،، كلما كانت المعزة لشخص أكبر كلما كانت ردة فعلي أقوي وأشد
لكن المشكلة بتكون حين ما أعتبر ردة الفعل هي الفعل نفسه .. واتجاهل أفعالي أو ما أنتبه لها
تكمن دائما مشكلتنا فى رؤية أفعال الغير ... ونحاسبه قبل أن نحاسب أنفسنا

اقتباس   المشاركة الأصلية كتبت بواسطة خَمْر أيلول حلو هالموضوع بحياتى الواقعية وعلاقاتى الشخصية مابترك ردة الفعل هيك الا اعرف شو سببه يعنى انا بشو غلطت لو كنت غلطانه بدون قصد منى بعتذر ولو ماكنت غلطانه فهنا نقطة . انه انت هيكا بتتبلى عليه بشي ملوش اساس من الصحة فالزم حدك . وهذا حقك ع نفسك ان تتسأل قبل أن تحاسب ربما تكون مخطئ دون شعور أو قصد بعالم النت بيختلف الوضع غالبا بطنش ومابدق يعنى لما تكون السكينة حامية مممكن ارمى كلمتين بس لما اروق بلوم حالى انه ليه عملت هيك بالنهاية انا بتعامل مع ناس مابعرف عنهم الا يلى بيحكو هما فمش كتير بعلق اذا عملو غلط تكون ردة فعلى عنيفة او انه احط حالى بموقف تكون ردة فعلهم مابتناسبنى الا اذا عضو قلل ادب بشكل مش طبيعى وقتها لازم يكون فى موقف قوى اله . وبس هيك .. بالزبط هذا ما قصدته .. يجب علينا قدر استطاعتنا الانتباه لافعالنا حتي لا أضع نفسي في مهب رد الفعل عوافى رنين الصمت

أتفق معك خمر ايلول .. تعاملك مع الموقفين ينم عن شخص يقدر نفسه ومن حوله
احترم نفسك تجدها ...

أشكرك لحسن الرد
تقديري