جمالكون_يهمني_تؤبريني

عزيزتي الأنثى

#الايلاينر طولو لازم يكون أقصر من الحواجب يعني من طرف العين ل قبل الحاجب ب شوي مو تعمليه متل استراد المزة
#الكحلة إذا عيونك صغار لا تحطي كحلة جوا العين لانو بتصغرهن بزيادة واللون الاسود تحديدا اوعك ثم اوعك تعمليا لأن بتبيني متل القردة
#الكونسيلر بتحطيه تحت عيونك ليخفي السواد مو بتطابقيه لون اصفر مع كندرتك
#الهايلايتر حطيه بالأعراس مو عالجامعة و لا لعند عمتك أذا عازمتكن عالفطور مشان ما يبين وجهك متل اللدات
#الفاونديشن جيبيه ماركة مرتبة يا أما لاتجيبي عمرو ماينجاب مشان مايطلع وجهك متل البرغل 🙂
ولاتكتري كتير وقت تحطي و فرديه منيح مشان ما يتشقق ع وجهك و تبيني متل التربة الصحراوية الجافة يلي بينبت فيا الصبار ياصبارة
#البودرة بربك جيبيها لون قريب ع وجهك يعني بلا ما نشوف رقبتك سودة و وجهك ابيض بعدين قلنا بودرة مو طحين موو طحيييين
#حواجبك وقت التخطيط رسميهن شعرة شعرة مو صبة باطون هدول
#الحمرة دخيلك يا عمري الحمرة بتحطيها ع قد تمك مو تمك وتم رفيقتك
يعني ع قد شفافك مدي حمرتك بلا ماتوصليها ل أنفك مو قرميد هي حبيبتي مو قرميد
#جمالكون_يهمني_تؤبريني 😌

هههههههه
ماشي نجم

هههههه
دوركم متى يا نجم

ههههههههههه
والي تنفخ شفايفها مجبوره تمد الحمره لورى الخشم
نقل جميل

الله على الإهتمام بجمالنا
كتير فرحت بهالنصائح امير