سنين بتنسى بسهولة..

سنين بتنسى بسهولة..

سنين بتنسى بسهولة
وتروح العشرة بسهولة
وتمضي حياتك العادي
كأنه مكانش فيها حد
كأن قصادك الغولة
خايف وسادد ودانك
ومن مكان لمكان
بتدور ع الحبيبة الاولى
والقلب متهد..
ومش قادر تصدق
ان النصيب غلبك
وان اللي كان حبيبك يوم
هو اللي جه كسرك
وتصرخ قصاد الناس
وتلوم على الدنيا
هي اللي مسؤولة
كُنا نهادي اليوم
بميت اغنية
ولما يفوت الغياب بينا
نغلبه بلقانا وهدية
كُنا نعيد بدايتنا مرة ورا مرة
ولما يجي الفراق حولينا
محدش يستقبله منا
كُنا نزعل بس ما يتقطعش الود
ونلتقي عادي
والزعل متداري في عيونا
ولما النصيب قال كلمته وعاند
وبعد اما كنا نلتقي
حتى لو بينا بحر ومدينة
وبعد اما كُنا نتعاهد
محدش يختلف بالوعد
خالفنا كُل اوعدونا ..
ونسينا حكايتنا
وبقينا حتى لو بينا
خطوتين تجمعنا
كأن حد واقف ما بينا وقسمنا
وخلى طريقنا طرقين
وضيعنا كلمتنا
ونسينا بسهولة وكرهنا بسهولة
كأن ما كانش بينا
لا لقى ولا وعهد ..


حبيت اغير اسلوبي شوية ..