[ ككلآمم ع آلبآال ] 💛

1- كون ، دائماً ، مع الناس يلي بتخليك تحب حالك ، بالوقت يلي ممكن تكون فيه كلك عيوب ، و الناس المليانين طاقة ايجابية.

2- بعد كل البعد عن الناس يلي بتنقدك لتجرحك ، و هدفها الوحيد تعملك شخص سيئ وفاشل.

3- بعد عن الناس ، يلي على طول بتكون عم تتمسخر على أحلامك و مشاعرك و عم تستهزء بإنجازاتك.

4- لا تخبر حدا مشاريعك المصيرية ، من عدا أهلك.

5- لا تخلي أي علاقة من علاقاتك تصل لمرحلة الشفقة.

6- كرامتك ، خط أحمر .

7- لغي أي علاقة انت مدايق فيها شو ما كان التمن

8- ما حدا بيضل على حالو ؛ كلو بيتغير. الشيطان كان ملاك.

9- اخطائك رح تكون طريق اعظم إنجازاتك.

10- تصالح مع الماضي و لا تهرب منو.

11- لا تثق ثقة كاملة ، بأي شخص كان . دائماً ، خلي مكان لخصوصيتك.

12- لا تاخد أي حكمة من شخص ما عندو مبدئ . و لا تنطر حدا يعملك شي --عملو انت.

13- نقطة ضعفك ، خاصة فيك . ما تخلي حدا يمسكك منها.

14- الحب شعور ، و الشعور خارج عن الإرادة. بيجي لحالو ، لا تدور عليه. و ما فيك تقول ” ما بدي حب “ لكن فيك تقول ” مارح اظهر حبي “. على الرغم من أنو عيونك بتفضحك.

15- مارح تلاقي السعادة بنفس المكان يلي خسرتا فيه.

16- دائماً ، رح تتعرض لنقد سلبي ، و هاد الشي رح يكون حتى باعظم اعمالك.

17- لا تسمح لشخص متعالي يفوت حياتك تحت أي مسمى.

18- كون عفوي و بسيط . اهم شي العفوية؛ اوعك تتصنع.

19- ماحدا كامل.

20- خلي الناس تآمن فيك " كأنك دين جديد "🤍🦋

باايي

برأيك بنقدر نعمل بهالنصايح .؟
احياناً القدر بخليكِ تحت الأمر الواقع و مجبورة ترضي باللي انتِ فيه ..
بس حبيت النصائح جداً
تحياتي لكِ

نصائح جميلة كتير
واجب العمل بها
ميرسي ننوش

نصائح ثمِينة وحلو كتير
وتضمن لنا حيَاة سَعيدة لو طُبّقت..
يعطيكِ العافية ننوش

...

كلام جمييييييل ونصائح قيمة
ولكن في حدا بطبقها
يسلمو الايادي ننوش
يسعد صباحك

كل الشكر و التقدير

ممنورينن ❤

جيت اختار عبارة ما عرفت

كلهم حسيتهم قراب من قلبي وحبيتهم ل واقعيتهم

انتقاء مميز ننوش كالعادة

ممنورينن ❤❤