~ فـي رحمي زُرع جنين ~ بصوتي

انا حاولت وعئد مااقدر بحاول سجل خواطري حتى لو بالجوال
وشوية شوية لحتى تطلع بطريقة افضل


في رحمي زُرع جنين

وفرحتي بهِ كانت حنين

شعور جميل ان يكون بداخلك روحين

كم كنتُ أحلم يوماً بإن يكون لي طفلٌ جميل

طفلٌ يحمل لي الأمل والسعادة يلي ماشفتها بيوم
عشت كل لحظة كان فيها عم يكبر بداخلي

كنت لوحدي عم عيش الحلم عم عيش السعادي

كنت عم عيش دور الأم قبل ما يخلق

جهزت كل شي جديد كل شي جميل
كنت عم إحكيه عم خبي اسراري فيه

كنت عرفو على بيو واحكيلو عنو

لانو لما يخلق ماحيشوفو حدو
ماحيسمع صوتو ولا يقولو بيي

رآح يخلق ومايكون حدآ حدو

كنت خايفي يكون كل هيدآ حلم واوعى منو

كنت خايفي إخسر طفلي وضل لوحدي بهالدني

مرئت أربع شهور وانا عم استنى لحتى اعرف شوفيي

كأني كنت عم إستنى قدري

كاني عم إستنى انتشال السعادي والأمل يلي فيني

اول ماخبروني انو جنيني مآت قبل اسبوع

ماكنت مصدقة

لاني كنت حس فيه كنت حس بنفسو وبكل شي فيه

كنت وئت ماحكيه يرفسني كانو عم بيرد عليي كانو عم يحكي معي

كان عم يوعيني كان يحب كل تفاصيلي

كيف هيك رآح قبل ماشم ريحتو

قبل مايلبُس تيابو ...كيف هيك تركني وراح

تركني وحيدة بهالدني كيف قدر يعمل فيني هيك

انا بلآه مابقدر عيش إتعودت إحكيه وخبي اسراري فيه

كنت إوثق فيه بس هلأ بمين بدي أوثق مين بدي إحكي

كنت بدي سميه وحيدي بس مالحقت سميه مالحقت شوفو

مالحقت اتطلع بعيونو واعرف تفاصيلو

مافيني إلمس إيدو ولافيني هلأ أوعى ع صريخو

https://youtu.be/JaVoDosUsvU

شعور جميل ان يكون بداخلك روحين
كم كنتُ أحلم يوماً بإن يكون لي طفلٌ جميل

كلمات جميلة سرمدية
استمتعت بالقراءه وجاري الاستماع لها

كل التقدير لالك

تقييمي

وانا اقرا الكلمات حسيت بغصة كتير كبيـــــــــرة
وضليت ماسكة حالي بالعافية
بس لما سمعت الحرقة والوجع بصوتك انفجرت بالبكا
قبل فترة تلقيت احلى خبر بحياتي...أني حاكون عمة
ومن اول يوم اتشوقت لهالبيبي اللي حيجي عالدنيي....
ويللي ح يخلق الفرح والسعادة والامل بحياتي
حسيت انو حلمي بالامومة حيتحقق
بس نحنا كمان فقدناه
واااااااخ من مرارة الفقد
ومليون اخ من الحلم والامل اللي بلوح بحياتنا وبنفقده بلمح البصر
بس الحمد لله عكل شيء...قدر الله وما شاء فعل

كلماتك موجعة فجرت الدمع بعيوني
حبيت فكرة تسجيل الكلمات بصوتك
وكلي شوق لجديدك
المميز دوماً
تقديري

كتير حلوة وموجعة هالكلمات

مافى اصعب من الفقد

الله لايذوقه لحدا

ما رضي يفتح معي الفيديو بس ع الاكيد راجعة لاسمعه من جديد

يسسلمو كتير سرمدية

ماننحرم

يجد رائعه

الكلماتت والاحساس وصوتك حركو شي جواتي

وفعلا اتاثرت

مبدعه سرمديه

تقييمي

كلماتك جميلة واحساسك فيها حلو
رغم الوجع
راقتني
سلم النبض والقلم

عوآآآآفي للطرح القيم والراقي

تقييم ونجوم

خاطرة حلوة كتير مليئة بالاحساس والدفئ

صوت حلووة كتير ياعسل ربي يسعدك

لا تحرمينا من جديدك

كوني بخير

اقتباس   المشاركة الأصلية كتبت بواسطة m0m3n شعور جميل ان يكون بداخلك روحين كم كنتُ أحلم يوماً بإن يكون لي طفلٌ جميل كلمات جميلة سرمدية استمتعت بالقراءه وجاري الاستماع لها كل التقدير لالك تقييمي

شعورك واحساسك الاجمل مؤمن
سعيدة انو الخاطرة اعجبتك
يعطيك العافية وشكراً ع التقييم

اقتباس   المشاركة الأصلية كتبت بواسطة غاردينيا وانا اقرا الكلمات حسيت بغصة كتير كبيـــــــــرة وضليت ماسكة حالي بالعافية بس لما سمعت الحرقة والوجع بصوتك انفجرت بالبكا قبل فترة تلقيت احلى خبر بحياتي...أني حاكون عمة ومن اول يوم اتشوقت لهالبيبي اللي حيجي عالدنيي.... ويللي ح يخلق الفرح والسعادة والامل بحياتي حسيت انو حلمي بالامومة حيتحقق بس نحنا كمان فقدناه واااااااخ من مرارة الفقد ومليون اخ من الحلم والامل اللي بلوح بحياتنا وبنفقده بلمح البصر بس الحمد لله عكل شيء...قدر الله وما شاء فعل كلماتك موجعة فجرت الدمع بعيوني حبيت فكرة تسجيل الكلمات بصوتك وكلي شوق لجديدك المميز دوماً تقديري

ي قلبي ي غاردينيا
ان شاءالله بتصيري عمة شي 100 مرة
ماتزعلي حبيبتي
وفعلا شعور صعب كتيير انك تفقدي حدا كتتير غالي عليكي وبتحبيه سواء قطعة من روحك
او حدن قريب منك
الله لايدوقنا هيك احساس ياااارب
سعيدة لانو صوتي وخاطرتي نالو اعجابك
يعطيكي العافية
نورتي