أخبار_عالريق

#أخبار_عالريق 798 يوم
✅يكتبها / #سعيد_الطويل

■الأخبار اليوم رايقة شوية عنا، الحمد لله فش فيها لا قتل ولا دهس ولا جرايم ولا قصص بتسد النفس ،بس كمان فش ولا خبر عليه العين ،و برضه بنصحكم تقرأوا النشرة عالسريع.

■المهم الجاج والبيض لسة سعرهم غالي ومولع نار ،والقصة اكيد عشان في أزمة في الديوك.

■ حسب تقرير بيحكوا انه مخزون القمح في فلسطين بيكفي بس لأسبوعين و95% منه مصدره روسيا وأوكرانيا

■ع كلام وزارة الاقتصاد بتقول انه الوضع تمام وفش عجز خالص بالطحين ولا بالقمح

■الناس إللي بمصر وبدها ترجع ع غزة ديروا بالكم مش مسموح زي أول تجيب كيلو معسل وكروزات دخان والجمارك غليت كمان.

■رجعوا فتحوا الصيد من أول وجديد في بحر غزة بعد ما تحسن الجو

■أي حد من التجار حيحتكر الأسعار ويلعب فيها حيتحول للنيابة بقرار من الوزارة

■ بكرة حيوصلنا أول منخفض خماسيني وحيخلص بنفس اليوم.. شكله بث تجريبي.

■روسيا سكرت تويتر وفيس بوك بشكل كامل وريحت راسها.

■في أخبار بس مش أكيدة بتقول انه أحبطوا صار.وخ كان بده يطلع من غزة مبارح

■رواتب 7.ماس بكرة نفس نسبة الشهر إللي فات ، والسلطة احتمال كبير تنزل بعد بكرة عالبنوك

■الدولار طلع سعره مرة وحدة ووصل ل330 شيكل

■الكورو نا لسة باقية وبتتمدد بس احنا مش ماخذين بالنا ،مبارح لسة ماتوا منها 13 نفر.

#صباح_الخير للناس إللي بتحبوا تتصبحوا فيهم وبكلامهم وبتحسهم بيرشوا عليك طاقة ايجابية وكلام مرستك وحاجات بترد الروح.

#صباح_الخير لكل واحد بيصون صاحبه وبيدافع عنه وبتمناله كل الخير حتى بغيابه

#صباح_الخير للناس إللي مكبرة عقلها من كل حاجة حواليها بتعمل الها دوشة ووجعة راس

■أي حد من التجار حيحتكر الأسعار ويلعب فيها حيتحول للنيابة بقرار من الوزارة


شغل حكي بس و ضحك ع الناس
الطحين و لا مرة كان المخزون لأسبوعين
بس التجار بلشوا يشتغلوا و يحتكروا المخزون
و عملوا بلبلة انو ما في

الوزارة و الحكومة هم الأساس بهالشي
ما بتروح الا ع الشعب حسبي الله بس

يسعد صباحك امير

الله يصلح الحال
يسلمو على المتابعة
يسعد صباحك

يعطيك الف عافية للمتابعة
تحياتي

يسلموو ع الأخبار المنوعه
وحسن المتابعة الجيدة
ربي يسعدك ويحفظك
طابت صبااحااتك

كل الشكر والتقدير

يسسلموو ددياتكك الامميرر
+ وردهةة

السلام عليكم ورحمة الله وبركاته



يسلمووووا ع النشرة الاخبارية المنوعة



يعطيك الف عافية



بانتظار جديدك دائما







تحيتي

حاجة غريبة فى بلاد المنطقة الحكام لا يزرعون القمح مع كثرة الأراضى ويستوردونه