بس أنا مش رح أنام..

في الطريق إلى المشفى ..

= بتعرفي حلمي أني أفوت غيبوبة طويلة كتير
- ليه؟
= بحب النوم..
- النوم بحالات يكن له طعم حلو و أحياناً يكون طعمه بمرارة العلقم :")
= اذكري كلاً منها؟!
- عارف أنا لما بدي أغيب عن شخص بنام وفي هذه الحالة يتمنى المرء الموت على النوم!
= كيف..؟!
- يعني حينما يقرر المرء أن يغرق في غيبات الجب مِن أحدهم ينام ، وأنا كذلك، أغرق في النعاس حينما أضجر من شخص ما ..
= هتنامي عني ؟
- لا و أنت؟
= لا
- لن أنام ..أصلاً معك بحب السّهر
= وعد؟
- أنا لا أحمّل نفسي الوعود ومشقتها، لكن وعد عشان عيونك ياقمر!


قبل الدخول إلى المشفى ..

- بتعرفي شو الفرق بين أصحابي كلهم وبين صاحبي هاد؟
= شو..؟!!
- أنا لو نمت بالمستشفى ، دخلت بغيبوبة وكان التعب ينساب في جسدي بشكل يجعلني أبكي، كل أصحابي حيجو يزورني..حيتمنوا في اليوم الف مرة أني اصحى، لكنهم سيرحلون، لن يزوروني كل يوم، يكفي يوم واحد في الأسبوع مثلاً، بس صاحبي هاد سيبقى واقفاً على بابي حتى وإن استغرقت غيبوبتي العمر كله!
= اممم..مين كمان سيقف معه؟
- أتوقع أمي!
=طيب..وأنا أريد أن أصل معك لليوم الذي يسمحوا لي بالوقوف على أعتاب أبوابك
- أنتي طيبة وحلوة ..حتتعبي
= من شو؟
- من الوقفة! ستبكي مع الوقت، ربما ينمو جرحاً غافراً في كعبكِ الوردي هذا،
= ليه دايما بتحدد نوع التضحية تبعتي؟ ليه دايما تحكم على قدرتي ومداي في الحب؟
- لأني أعرف..أنتي لا تعرفي ،،،

عند باب المشفى ..

= شو صار؟!!
- راسي بتوجعني..دايخ
= ستنام؟؟؟
- مابعرف، حنشوف الطبيب شو يحكي لنا
= هل تشعر بالنعاس؟
- إن بقيت أنظر في عينيكِ سأحافظ على نصيبي من السهر دائماً !
= انا مش حسمحلهم ينيموك فاهم؟!
- كلهم قالوا نام..في النوم راحة وأمل، عشان اطيب ويروح التعب صح؟
= اممم..هل سيوافق الأطباء إن طلبنا منهم ان تنام على كفاي؟!
- ربما تطول غربتي في الوسائد
= واللهِ إن كانت غربتك عمراً ما شعرت كفاي بِتعب من رأسك لحظة واحدة،
- التحاليل اهم من الاعراض ، صاحبي وإمي حياخدوني ..خليكي انتي ع الباب لانك بتخافي
= من زرع في رأسك فكرة خوفي هذه؟
- لأني بعرف..أنتي لا تعرفي،،

في غرفة العمليات ..

الطبيب :
- بعد العملية لا أدري ما هي الأعراض، ربما يدخل في غيبوبة بلا موعد، او أمل ..

صاحبه وأمه :
- المهم أن سيكون بخير؟

= أكيد، يعني أقول إن شاء الله لكننا نجازف
- بنستناه ..
- اوك، طيب، حنتوكل ع الله يعني؟!

على باب غرفة العمليات ..

- يبدو أنه حدث ما توقعنا، الأمر خارج إرداتنا لكني أقسم لك بانع رح يصحى يوماً ما،
= حنستناه ..

* دخلت المشفى لتحكي مع صاحبه وهي تحمل جبال من الندم..الندم على انها لم تسمع الكلام! *

- شو صار؟
= دخل بغيبوبة
- نام!
= لا..دخل بغيبوبة،
- بدي أضل هنا، مش حروح إلا لما يصحى
= لِيه؟ أنا صاحبه و هذه أمه، وأنتي؟
- أنا صاحبه وامه :")))
= روّحي رَوحِي ..الوقفة تعب،
- ما بدي
= أنتي حرة ..أولاً وأخيراً !

على نفس العتبة ..

- الكحل فِي عيونك ساح وبطل حلو خلاص روحي!
= وكحل أيامي ينام في الداخل؟!
- أحكيلك سر؟
= أه..
- بالأصل فش أمل..فش أمل ابداً أنه يصحى
= هل نام لأنه في غيبوبة أم أنا من نمت في قلبه؟
- أنتِ من نمتِ في قلبه، ارحلي..للأبد، أنتي مغرورة وحلوة لا تكابري ، أستغرب من اشي واحد بس، استغرب من كمية اليقين في الشعور لديكِ، انتي يا هبلة يا مجنونة ما في خيار تالت!!
= طيب اسكت انتا..ولو أنا رحت مين يضل؟
- انا وأمه..هو اختارنا لندخل معه من البداية تذكري ذلك،
= لكن انا أحبه أكثر من م انت وامه بتحبوه
- أنتِ لا تعرفي..أنا وياه نعرف اكثر منكِ
= شو تعرفوا؟
- نعرف أنا ملل الانتظار سيغتال قلبكِ مع الوقت، لمليْ ما تبقى فِيك وارحلي، وانا ححكيله ححكيله المجنونة كانت تحبك كتير!
= يا ليتك تعلم، أني امرأة عاقلة :"))

حينما استيقظ من نومه لكنها لم تكن واقفة ..

- وينها ؟
= نامت من التعب على العتبة..
- صَحيّها
= ليه؟
- بدي احكيلها أنها كانت تعرف في كل المرات..وأنا ما كنت اعرف شيء
= شو بتعرف؟
- أنها تحبني..تحبني حد السهر والتعب ..
= وأنت فاكرها؟
- لا أذكر اسمها..لكني اذكر أنها عنيدة بِي..عنيدة جداً وتحب السهر !

بداية موفقة فراغ
ان شاء الله قادم الاطروحات تكون اكثر حبكة

يسعدك

استمري +تقييم

من طبيعتي لا اتصفح الاطروحات الطويلة
لكن هنا توقفت وتابعت الاحداث حتى النهاية
السبب شدني العنوان
فراغ واصلي اشكرك

حلوة يا تسنيم
بس ليش العامية داخلة عالفصحى

زمان عن كتاباتك
استمري

قلمك مميز وجميل فراغ
حبيت ما خطته اناملك هنا
كل الششكر الك
تقييمي وختمي

اقتباس   المشاركة الأصلية كتبت بواسطة ملاك الحب حلوة يا تسنيم بس ليش العامية داخلة عالفصحى زمان عن كتاباتك استمري

هاد نوع من الكتابة بيدخل فيه الكاتب كم كبير من العامي
ليحاول يوصل فكرته بشكل اسهل ولعدد أكبر من الناس القارئة

يسعدك❤

شكراً للباقي❤

لا أذكر اسمها..لكني اذكر أنها عنيدة بِي..عنيدة جداً وتحب السهر !

بججننن ككلامكك ككلهه
يسسسلممو تسسسنيمم
ممبدععه ممتل ففي دايممااا
وردهه

لأول مرة استمتع بقراءة هكذا نصوص جميلة ..
رائعة .. انتي موهبة جميلة ..
أستمري موفقة

يييي مغلاكووو شكرا شكراا❤❤❤❤