تقدر تعملها

لفت انتباهي من فترة صديقة مقربة لي جدا
اخوها مخلص هندسة معمارية وللاسف مفيش قبول
ولا وظائف قبلته رغم انه قدم كتير
ووسط الكلام قالت لي اخيرا اخي اشتغل
فرحت الحمدلله التخصص حلو والله يسعده
طيب شو اشتغل اخوكي شو تتوقعوا صدمت وذهلت
اخوها اشتغل حارس لبناية يعني ينظف ويشطف وخلافه
يمكن انا انصدمت مو لانه الشغل عيب او حرام
بس ما توقعت هالشخص عنده جراة هيك واشتغل بهيك شغلة
وكل شغلة شريفة اليها احترامها

السؤال ؟ يا شباب الجامعات والتخصصات*تقدر*تعملها وتوافق تشتغل بهيك شغلة
رغم تخصصك العالي*تقدر*تعمل بغير تخصصك حتي لو عمل ينتقده الناس وومن حولك

منتظرة اجاباتكم

مش على قده
بعرف ناس معها دكتوراة فاتح بسطة بتترزق منها
هي الموجود حاليا بغزة
اللي بدوا يعيش مينتظرش حدا يشغله بشهادته
ربنا يغير هالحال للافضل ويرجع للمتعلم هيبته ومكانه الصحيح بالمجتمع
واجت قصة الانتخابات وصوتك امانة للتغيير والاصلاح

سلمتي

الشغل مش عيب
لكن ما يستسلم و يفقد الأمل فوراً
متابعة لأجوبة الشباب
تحياتي

الشغل مش عيب مادام رزق حلال
متابعة للاجوبة
شكرا مروة

والله في غزة ما في مجال للدلع
الي يصح له يشتغل عامل نظافة يشتغل ويحمد ربه أنه لاقى شغل
مشكورة مروة صيام لطرح النقاش

للاسف هالظاهره موجوده عنا كمان في منطقة القدس
بحزن عليهم هدول الشباب
هالانسان ما اضطر يعمل هالشي الا لانه محتاج
شو برميك ع المر الا الامر منه مش هيك بقول المثل
الله يفرجها
عوافي حبيبتي مروه

يشتغل اي شغلاانة بيلاقيها افضل من انه يحتاج حدا او يضل ستنى
وعادي بشتغل وبيضل يدور ويقدم ليشتغل بشهادته وتخصصه مع الوقت
يعطيك العافية ..

اكيد مع هل الازمة الاقتصادية يلي يعيشها العالم مافيه مجال للاختيار المهم الواحد يجيب قوت يومه وخلاص

انا اشوف انو الشغل مش عيب
يكفي الشخص يكون مش فاضي ويقضي وقته بالشغل
ف هذا رزق جاه
ف الحمدلله اي كانت الشغله مش عيب


يعطيك العافيهه

هذا كان زمان ، ذحين الشباب يشتغلوا أي شغلة حتى في الدول النفطية والله مافيه ولاشغل ، أغلبهم يشتغلون في مرسول وكريم توصيل طلبات وحراس أمن وكاشيرات
أكيد عادي مافيها شي يشتغل بالحاصل والموجود حتى يحصل شغلة مناسبة له
أشكرك على الموضوع ⚘