المهم نلاقي سبب نبتسم ..

لمّا إيد دافية ضمّتني بحنّية
بكيت ..
بكيت كتير

كنت فكر حالي حدا قوي،
كنت ظن إنّي بخير ..
بس لمّا حسيت بالدفا اكتشفت إنّو البرد بشع، بشع وبيأذي..
وقت شعرت لأول مرة بالحنّية عرفت شقد تحمّل القسوة صعب
وشقد صرلو هالقلب محروم والروح محتاجة لنتفة دفا وحنّية وحب..

إلي سنين بهالعمر وبس بهاللحظة حسيت بلذة الحياة..
شو صعب الحرمان، شو قاسي الفقد، وشو محتاجين للحظات سلام تردلنا الروح لنشعر بالحياة...
لمسة دافية، سند بوقت الشدة، حضن حنون، وردة بدون سبب، أو حتّى سؤال عن الحال ..

تفاصيل الاهتمام البسيطة قادرة تخلق بالقلب حياة ..
وعلى كتر الظروف الصعبة وزحمة الهموم وتعب هالعمر
صارت تكفّينا تفاصيل صغيرة المهم نلاقي سبب نبتسم ..❤