أحدهم شهد ولادة #زوجته فكتب عن تجربته:

أحدهم شهد ولادة #زوجته فكتب عن تجربته:

ما بدي قول كأب ، بس كواحد أول مرة بحياته بحضر ولادة، وكانت ولادة صعبة قعدت تقريباً 36 ساعة، الولادة تجربة مبهرة، ألم ما بتحمله جبل ..
أنا كرجل بنص المرحلة وأنا ما بتوجع كنت صرت مقرر أنه خلص وقفوا اللي بصير، ما بدنا نخلف .. وقفوه بأي طريقة ..
وزوجتي رافضة تدخل عملية!! أو تاخد شي ممكن يضر الولد...شي مستحيل نحن كرجال نفهمه!
المهم إليكم بعض الملاحظات:

- كل اللي سمعته بحياتك من تعظيم للأم ما بيسوى طلقة وحدة (الطلقة هي أنقباض يحدث أثناء الولادة) .. الأم مخلوق لازم ينعبد ..

- الرجل مخلوق عادي ، الطبيعة أعطته شوية عضلات مشان يعتني بزوجته وبالبيت يعني يروح ويجيب ويبني بيت .. هيك شغلته .. وكل اللي بصير بالمجتمع من سيطرة للرجل هو خلل لازم يتعالج...

- في عيد الأم لازم يقسموا الأمهات، إذا وهي بتخلفك أخدت إبرة الظهر( Epidural) جبلها عشر هدايا، إذا ما أخدتها جبلها ألف...

- اللي برفع صوته على أمه، وبقلل أدبه عليها لازم يعطوه طلق صناعي وبعدين يدعسوا ببطنه بعدين يقطبوله محل الدعسه وبعدين يبعتوه عالسجن مشي ..

- الرجل اللي ما بيدخل مع زوجته عالولادة ما بيعرف قيمة الأطفال ولا رح يقدّر تعب مرته .. ورح تروح عليه أهم معجزة بالطبيعة ..

- المعجزة الثانية هي فرحة الام بأنو المخلوق اللي سبّبلها كل هالوجع والتعب بخير .. بتحمله كأنه في حدا تالت سببلهم الألم هنن الاثنين .. أحمد ربك كرجل أنهم قابلين يشاركوك بهاي اللحظة...

- بعتذر لأمي على كل مرة قللت أدبي أو رفعت صوتي أو نقّيت على طبخة .. لازم لطشتيني بالكف...

- أمك ثم أمك ثم أمك ثم ضلّك قول "ثم أمك" لحد ما ينقطع نفسك ..

- كل واحد بالقانون أو بالقوة أو بأي وسيلة ثانية بيمنع أم عن أولادها، لازم يعدموه شنقاً بحبل سري ..

٠- الفرحة لما بيوصل الطفل سالم ما بتشبه ولا بتساوي ولا بتقرّب حتى على أي فرحة بالعالم ..

🌿🌸منقول🌸🌿

أمك ثم أمك ثم أمك ثم ضلّك قول "ثم أمك" لحد ما ينقطع نفسك ..

يسسعدكك الاممييرر
+ مموضوعع لططيفف ")
وردهه

مافي مثل الام والله
موضوع جميل تسلم ايدك

الله يعطيك العافيه
ابدعت

الام وما اجمل الام ،،،

	السلام عليكم ورحمة الله وبركاته استمتعت جدا بقراءة الموضوع الشيق والراقي جدا بحق الام والانثى بشكل عام مما تتحمله من مشاق بكل شيء ابدعت باختيارك يعطيك الف عافية بانتظار جديدك دائما تحيتي

ما في مثل الأم
يسلمو ع الطرح
م ننحرم

ألف شكر على الإنتقاء الطيب