خليك عم تحبنى هيك

بعد_6_سنين_زواج_كتبلها
بهي اللحظات و انتي نايمة حدي و انا مبسوط انو طلعتي ما بتشخري..
تذكرت يوم العرس و قديه كنت عم جرب حافظ على اعصابي هادية على اعتبار أنو كل ما اسأل حدا شو رأيك بالزواج
بيقلي جملة وحدة "شر لابد منه".
أما أنا فبعرف شو رأيي.. بلا شر بلا خير بلا بطيخ.. بدي ضل عمري هيك.. عم راقبك انتي و نايمة.. غطيكي وقت تبردي و اكتبلك..
يا اختي انا اخترت ها الشر و انا بحبو
أنا حبيتك هيك متل ما انتي و بدي اتضلي متل ما انتي.. ما بدي تشبهيني ولا تكوني متلي..
بدي ضلني عم دور على اشيا فيكي كل يوم لحبك اكتر.. خليكي انتي انتي.
صرلنا ٦ سنين سوا و بعدني عم جرب اني فاجئك.. و عموماً مافيني اوعدك بكتير اشيا..
يعني لا بساعة روليكس و لا بسفرة على اوروبا كل كم شهر ولا ببيت منطقة فخمة..
بس فيني اوعدك بمشوار بسيط كل كم يوم ..
بوعدك فيقك على صوت فيروز او ببوسة صغيرة على جبينك.. او بالتنين سوا.
وانو اعطيكي حبة بانادول مع مي بس تمرضي..
وانو جرب ساعدك بالجلي..
بوعدك انو اعمل كل جهدي امن مازوت مشان الشتوية الجاية..
بوعدك انو لما كون قدران رتب التخت..
وبوعدك كل ما سألتيني " البس هي الكنزة ولا هي" ؟!
اخود وقت جدي بالتفكير و اعطيكي جواب حقيقي..
وبوعدك انو لح لاقي كل يوم سبب لخليكي تضحكي.
وبوعدك انو تبقي عندي صبية كل عمرك..
وانو كل ما بدك حدا يسمعك جرب كون هاد الحدا.. وبوعدك اني ضل مبسوط فيكي هيك قدام الناس كل العمر.. ليكبروا ولادنا و تقوليلون
"شفتوا ابوكون قدي كان يحبني"..
و أخيراً.. بوعدك اني ضل حبك.. حبك كتير.. اكتر من الشام و فيروز و المطر سوا

كل الشكر و التقدير

شو حلوو الحكي والله مبدعه ياقلبي باانتقاء

اصيل والله
الشر الذي حذره منه الناس رجع
هجاء صريح ومجدي
خمر ايلول
رائعة شكرا

نادر وجود هيك شخص بزمنا هاد .
مشاعر حلوه ويا ريت الكل هيك .
تحياتي .

س فيني اوعدك بمشوار بسيط كل كم يوم ..
بوعدك فيقك على صوت فيروز او ببوسة صغيرة على جبينك.. او بالتنين سوا.
وانو اعطيكي حبة بانادول مع مي بس تمرضي..
وانو جرب ساعدك بالجلي..

وبوعدك كل ما سألتيني " البس هي الكنزة ولا هي" ؟!
اخود وقت جدي بالتفكير و اعطيكي جواب حقيقي..
وبوعدك انو لح لاقي كل يوم سبب لخليكي تضحكي.
وبوعدك انو تبقي عندي صبية كل عمرك.


شو منا نحنا بالمصاري نحنا بدنا هالحنية والكرم بالمشاعر
منا شخص متل هاي بالزبط
كتير حبيت الموضوع وكتير حبيت كلامه لزوجته
الرجل الحنون احلى رزق
عوافي خمر ايلول عموضوعك اللي بيجنن
ما ننحرم

ككلامم ححلوو ككتيرر + سسوبر روممنتكك
+ يسسلمموو دياتكك خخمرر ايلوول
وردهه

بعتقد انو نادر جدا هالشي بحياتنا
وأكيد كل شخص عندو الفرح معلق بحدا وبغيابو بغيب الفرح
ربي يسعد الجميع

حبيت الانتقاء خمر ايلول يسسلموو

الزواج سترة ومودة ورحمة
وضد من يقول عنه شر لابد منه
الكلام جميل ولكن التطبيق أجمل
كوني بخير

كلام جميل جدا
راقتني ما بين السطور
مبدعة باختيارك الحلو
رائعة واكتر حبيبتي