رح تضل هالصدفة مرافقتني لآخر عمري

بتعرف!!
أنا ماعرفانة شو بدي قلك يعني كمية كتير كبيرة من المشاعر ملخبطة جواتي لهفة ،حنية، حب،غرام ، عشق، غزل ..مابعرف
يعني بحس إنو قلبي عم ينهدلك لمعة عيوني بتضل ناطرتك💜
تخيل بمجرد مافوت عـ محادثتك بحس قلبي نبضو عم يتسارع.. عم يتسابق وكأنو كل نبضة فيني عم تتسابق لحتى تحكي معك
ذاكرتي ..مافيا غيرك
وقلبي .. ماعم يحب غيرك
ما بعرف شوبدي احكيلك ، ولابعرف شو بدي قلك
بس إنت حدا كتير مميز بحياتي
حدا كتير بيلبق لشخصيتي بلبقلو إني حبو .. إني قدسو .. إني خليه فوق الغيم..
فوق الكل "إنت "..
بتعرف كيف بحبك؟!
بحبك وإنت معصب.. وإنت غيران وإنت مروق.. وإنت زهقان.. وإنت ملان .. بحبك بكل حالاتك 💜
بحبك وقت تجي تشاركني أتفه تفاصيلك ،وقت تجي تشكيلي وتعتبرني إني الملجأ الوحيد لإلك،
بحبك وقت تقلي كنت عم فكر فيكي ،وبحبك وقت تقلي اشتقت لصوتك ، بحبك كيف ماكنت
وكيف ماحكيت بحبك وقت تقلي "بحبك" هيك بلا ميعاد وبلا توقيت بالصدفة.. بتجي متل نسمة الهوا بتخليني روق
أيييي .. إنت بتشبه هداك النور
النور يلي بيطلع من الشمس ليضويلنا حياتنا وليعطينا إشراقة جديدة ولنبلش حياتنا سوا..
يعني أنا بقلبي وبوجداني وبعقلي مافي غير اسمك و مافي غير إنت عم بتعلق فيك يوم بعد يوم..حتى رجفة ايدي وقت اجي لأكتبلك بتعرف شقد بحبك
بتعرف شقد متعلقة فيك
يمكن حتى سجادتي حتى الملايكة يلي عـ كتافي حفظو اسمك من كتر ماعم ادعيلك معي ..
من كتر ماعم ادعي الله يجمنا سوا.. إنت حدا كتير مميز حدا اجى عـ حياتي بالصدفة.. صدفة كانت كتير حلوة
وعالأغلب رح تضل هالصدفة مرافقتني لآخر عمري

أنا كتير بحبك يا مميزي أنت

الله على جمال هالوصف و الكلمات
نص كله مشاعر حب و نقاء
شكراً لإدراجه ♡

شهالحب هذا راقت لي الكلمات من اولها لااخرها
بسيطه وبتفوت القلب بسرعه
مبدعه ياعيني

حلو الحكى
ولفتتنى كلمة مكتوبة بالنص
اختيار جميل منك الجنية
ماننحرم

ححببيتي
+ تانككيوهه سسيستي ")
+ بتججنن الككلماتت ممتلكك
+ بدناا ممواضيعع ككمانن ششانن تسسيري ملونهه
هههه ")
وردهه

كل الشكر و التقدير

والله ياجنية رح تنجني بالاخر منو ههههه
وتقولي معقول كنت اكتبلو هالكلام ههههه
اختيار جميل
يعطيك العافية

كلام حلو كتير
ومشاعر جدا جميلة
يسلمو الجنية

الكلام مليئ بالإحساس
يصل القلب بسلاسة
اختيارك مميز
لا تحرمينا جديدك

يعطيك الف عافيه