[ دقق ع البااب ققبلل لتفتححو ]

لما الناس بتسأل كيف تربينا ... هيك تربينا❤
- وطي صوتك
- ماتحط رجل على رجل قدام حدا كبير
- ماتضل قاعد و تارك حدا كبير واقف
- وقف بعيد عن الباب بس تدق على حدا
- لا تتصل بحدا بوقت متأخر
- بتقعد عالكرسي اللي ما بيكشف البيت
- ما بيصير تزّعل حدا قاعد ببيتك
- دق عالباب قبل ما تفتحه
-لا تحكي و الاكل بتمك و سكر تمك و انت عم تاكل
- استنى كلهن يقوموا عن الأكل اذا انت اللي عازم
- بتدخل بيت العالم بتضلك اعمى و بتطلع اخرس
-ببيت غريب ما تقوم من مكانك غير لما حدا يقلك
- قوم معنا رايحين نعيد على قرايبنا
- شيل مع عمك الاكياس و ساعد الكبار
- قوم خلي الخالة تقعد
- ما تطلع ورا بنت على الدرج
يا بتطلع قدامها يا بتستنى شوي و بتطلع
- لو حدا طالع وراكي وقفي بزاوية الدرج
خليه يمر و بعدين اطلعي
- انت مش احسن من حدا و لا حدا احسن منك
-لا تقارن حالك مع حدا
-قول شكرا قول اسف اللي بيعتذر الاول هو الاقوى
- لا تشد شغلة مش الك من ايد حدا
-ما تسبق حدا كبير و انت عم تمشي
-افتح الباب للكبير
- شفت باب مسكر بتدق عليه
حتى لو بتعرف انو مافي حدا
- قول الحق و الصدق و لو على قص رقبتك
- لبس البيت غير لبس النوم
- هذا حرام و بيغضب ربنا
- لا تعيب على حدا و لا تقلل من قيمته
- اذا شفت حدا مسكين و محتاج وقف جنبه
باللي بتقدر عليه إياك تتخلى عنه
- اجبر خاطر غيرك و حب الخير لغيرك
- لا تعمل ازعاج و العالم نايمين
- خليك بحالك لا تتدخل بخصوصيات العالم غير بالخير
- لا تكب شي بالشارع
- نظف مكان ما وسخت

باايي

والله هذه كلها صفات حلوة ومثمرة للتربية
لكن للأسف مش كثير عائلات بتزرع هذا الشئ في ابنائها

كلهم لازم يتبعوها العائلات عشان تصير التربيه كويسه
بس بشوف العكس دايما

طرح حلووو حبيبتي يسعدك

اصول للتربية راقية لكن مش كل العالم بيملكوها ولا بيغرسوها في أولادهم
يسلمو ننوش

المفروض نأسس اطفالنا على هالأشياء هاي
الف شكر للموضوع
تقديري

نصائح رائعة
يسلمو ننوش
ما ننحرم

حلوو كثير انه الكل يبري اولاده ع كل هالشغلاات
اكيد بيخلقوا مجتمع صالح
يعطيك العافية لادراجك الحلو والقيم ..

نصائح كتير حلوة
م ننحرم جديدك

اصول كانت موجودة زمان ولا زالت عند البعض

ولو انه الكل بعمل فيها بنصير بخير


يسلموا ي وردة

	السلام عليكم ورحمة الله وبركاته يسلموووا ع الطرح القيم والمفيد يعطيك الف عافية بانتظار جديدك دائما تحيتي