الاختيار الصح

لازم تكون قادر تميز وتفرق بين إنك شخص مش كافي
أو إنت بالمكان الغلط مع الأشخاص الغلط !

مثال جداً بسيط - شخص مبدع بمجال الطبخ الصيني، بشتغل بمحل أكل شرقي - يومياً رح يحس حالو فاشل، بكل لحظة رح يفقد ثقتو بنفسو، بكل موقف بينطلب منو يطبخ طبخة رح ينهار ويرجع يتوهج ويتجدد بداخلو شعور الإحباط - رح يحس إنو مش كافي ابداً - وإنو شخص غير مؤهل ! ومع الأيام رح ينسى قديش هو كان مبدع بالطبخ الصيني
لإنو شعور فشلو بنوع طبخ اخر سيطر عليه، وجردو من موهبتو وأقنعو إنو النقص منو مش من سوء الإختيار

وهاد تماماً إلي بصير معنا لما ما نكون بالمكان الصح مع الأشخاص الصح
بسيطر علينا شعور واحد ووحيد هو إنو إحنا مش كفاية ! بنفقد ثقتنا بنفسنا، بسبب سوء الإختيار، وبنحمل حالنا عبئ فوق قدرتنا

بس تأكد دايماً إنو كثير نباتات بتموت بسبب سوء التربة والظروف الجوية مش لإنو البذرة تالفة !

عشان تتفوق ع نفسك وتزهر إنت بحاجة لبيئه مناسبة وإختيارات مناسبة

بكل مكان أو مرحلة أو علاقة بتحس بالفشل والإحباط وعدم الثقة بالنفس
هاي علامات ومؤشرات أكيدة على إنك بالمكان الغلط مع الأشخاص الغلط !

كلام منطقي كثير وصاادق
يعطيك العافية لادراجك القيم ..

كلام منطقي
يسلمو خمر لاختيارك
ما ننحرم

كلـآمم كلهه صحح !
يسسلمو خخممر ع أخختيآركك ')
وردهه

كلام حقيقي وجميل
موضوع مميز
تحياتي

فعلا
يسلمو خمر
الله يبعتلك ايام حلوة
و
سنين احلى

حكي كثير حلو
شكرا الك
تقديري

هاذا هو المنطق الصحيح
لازم يكون الواحد في تخصص محاله .
خمر ايلول
اشكرك

كلام جوهري
أحسنتي الاختيار
عوافي لإلك

شكرا لمروركم الطيب
نورتم