ماهُنت عليا

"ماهُنت عليا "
كلمتين، بمليون تعبير، لما حدا يقلّك ماهان عليا تنام زعلان، ماهان عليا دموعك ، ماهان عليا آكل الأكلة الي بتحبها بدونك ف اتذكرتك وخطر عبالي ناكلها سوا، ماهان عليا أروح المشوار الفلاني لأنه مارح يكون اله طعم بدونك، ماهان عليا تنأذى وتنجرح أو تحس انك مقهور ف جيت أبررلك حتى لو ما بدك تقتنع


اختاروا الناس الي مابتهونوا عليهم، اللي حتى لو تخلّوا عنكم مابيهون عليهم يجرحوكم ولو بكلمة، وما بتهون دموعكم ع عيونهم وقت يلمحوها، ولو حتّى نظرة الزعل الي فيها مابتهون !

اختاروا اللي بيطمنوا قلوبكم بكلمة " انا هان " الكلمة الي هتخليك تحس انه الك ملجئ قادر يوسعك وقت تضيق الدنيا عليك وماتلاقي جنبك حدا.

اختاروا اللي دايماً مهما صار بينكم "ماتهونوا ابدا عليهم"

الناس الحناين بهالدنيا قلال والله، العالم صار بشع كتير، كونوا لطيفين ،وما تكسروا بخاطر حدا