قصص ذآت طابع مختلف ..

1. بعد ما افترقنا بسبب الدين مريت من قدام الكنيسة سمعت صوتها من جوا عم يقلي "مابتعرف ترتل شعل شمعة ، مسلم وإذا كان وإذا بتجوّد قرآن"

2. بعد حب سنين افترقنا لأن ما بجيب ولاد لأن بدو يصير أب ، اجيتو بنت بس ما سماها ع أسمي متل المسلسلات لأن ماكنت بس اسم ، كنت غصة

3. تركتني لأن ماكنت شب حلو متل ما هي صبية مغندرة ، سمعت بعد فترة أنها سوت حادث وتشوه وجهها ، روحي زعلت بس وجهي البشع حس أنو العدالة الآلهية أخدت مجراها

4. كنت حبو من طرف واحد من بعيد لبعيد كنت جن غيرة عليه ، بس بالأخير اتزوجت زواج تقليدي ، صار عندي ولاد بس لسا بذكرو بيني وبين حالي أنا بحب ولادي ومرح خون زوجي ، بس ليش هك الدنيا ?!

5. زرعت شجرتين لأبي وأمي اللي ماتوا بالحرب ، ضليت لحالي جنب هالشجرات كنت مستعد ارتكب جريمة ولا حدا يحكي ع الشجر بالعاطل ، هدول ما شجرات بس هدول ارواحن الخضرة

6. كنت عطول اتمنى يكون عندي أخت بنت تحن عليي ، ماحدا بيعرف ضعف البنت غير البنت ، بس اتزوج بدي جيب كومة بنات

7. كنت رفيق اختي اكتر من اني اخوها وماكنت ضد انها تحب اتقدملها شب ماكان مناسب وبحجة حبها راحت خطيفة وكسرتني ، ياريتني كنت جاهل وقتلتا بس ما بسخا فيها الله يسعدها

8. كنت وحيد ماكان عندي رفقات وكنت منطوي كتير ، بس أمي ماتركتني للدني تسرقني ، سرقتني من الانطواء هلأ انا كتير حدا عندو شعبية

9. اترملت وانا لسى صغيرة ، مابعرف اتزوج واتحمل حكي الناس وما بعرف ضل بلا رجال وكون الارنب اللي كل الحيوانات بدا تفترسو ، ليش الأمور معقدة هك?

10. كان عندي بنت وحدة وماكان الي قلب جبلها خالة مرت أب كبرتها واتزوجت ، أنا هلا بمأوى العجزة

11. ولادي بحبو الورتة اللي بدن ياخدوها من بعدي اكتر مني كنت شوف تمني الموت بعيونن ، كنت ادعي الله يهديهن عطول ، الرب ح يحاسبن وانا خايف من عقابو الهن

12. كنت حدا شاطر بالمدرسة كتير بس اهلي ماكانوا مهتمين فيي ، كانوا يحبوا الحفلات والسهرات وما ينتبهوا عليي ، أنا هلا بالسجن بتهمة ترويج المخدرات

13. كنت اتمنى حب حدا يقلي شعر عطول كنت حب نزار قباني ، أنا اليوم طلعت من المشفى بكسر بالايد بعد اخر قتلة من زوجي

14. سرقت من أخي مرتو ، استغليت اخر خناقة بينون وصرت اتقرب منها لحد ما غلطت معها أنا هلا مريض سرطان وخايف كتير من الموت

15. كنت اتمنى صير رسام بحب الفن جداً ، اليوم مشهد استشهادي ع خط التماس مع العدو وجه الفجر كأن احلا لوحة

16. حبيتا مشان مصاريها لأني كنت فقير كتير كنت بدي اهرب من توب الفقر بأي وسيلة ، أنا هلا مدير شركة ومصاحب ع مرتي نسوان كتار

17. مرة حدا اعتدى عليي وما حدا اخدلي حقي لان كنا فقيرين ، أنا هلا بشتغل بالدعارة بلعب بالملايين وبكلمة وحدة بهز الدنيا

18. كنت خاف من البنات كتير واخجل ضلوا رفقاتي يلعبوا بعقلي لغلطت مع بنت ، أنا هلا بمصح عم اتعالج من الايدز

19. كنا اطفال صغار نلعب بالحارة كبرنا وحبينا بعض بس الرب اخدها مني ع بكير ، أنا هلا عمري 45 ولسا ما اتزوجت

20. الحياة وجوه ، لا تستغرب نتيجة أمر إلا لتعرف شو المسبب الأول
اتأكد أنك معرض تكون مكان أي حالة بأي لحظة وأي زمان ومكان حاول تكون مرن قدر مافيك ، استوعب المواقف اللي بتمر فيها
قدس أمك قبل ما تموت ، احترم مرتك قبل ما تحبها
ربي ولادك منيح ، ما تخلي بناتك يخافوا منك
خبر ابنك أنك رفيقو الأول ، كون وفي مع البنت البتحبا
ما تخلي عينك ديقة ع مال ابوك ، موت أصيل مهما انعجنت بالطين وبالندالة
الأصيل الرب مبارك فيه

بقلم يعرب معروف .

كنا اطفال صغار نلعب بالحارة كبرنا وحبينا بعض بس الرب اخدها مني ع بكير ، أنا هلا عمري 45 ولسا ما اتزوجت

حلو انك تكون وفي لشخص بتحبه
بس كمان مو من الضروري انه نقضي علي حياتنا
المحبة بتظل بالقلب

بكل سطر في حكمة وعبرة
الكاتب حب يوصل فكرته من خلال هالقصص والعبارات
شكرا لك

اقتباس   المشاركة الأصلية كتبت بواسطة صمت المشاعر كنا اطفال صغار نلعب بالحارة كبرنا وحبينا بعض بس الرب اخدها مني ع بكير ، أنا هلا عمري 45 ولسا ما اتزوجت حلو انك تكون وفي لشخص بتحبه بس كمان مو من الضروري انه نقضي علي حياتنا المحبة بتظل بالقلب بكل سطر في حكمة وعبرة الكاتب حب يوصل فكرته من خلال هالقصص والعبارات شكرا لك

معك حق و الله
العفوو الله يسعدك

13. كنت اتمنى حب حدا يقلي شعر عطول كنت حب نزار قباني ، أنا اليوم طلعت من المشفى بكسر بالايد بعد اخر قتلة من زوجي
هههههه الفرقق ممو ككبير
4. كنت حبو من طرف واحد من بعيد لبعيد كنت جن غيرة عليه ، بس بالأخير اتزوجت زواج تقليدي ، صار عندي ولاد بس لسا بذكرو بيني وبين حالي أنا بحب ولادي ومرح خون زوجي ، بس ليش هك الدنيا ?!
ههادد ششو مؤثرهه القصصهه و كتير ففي منهاا

يسسلمو ع ككل الموضوعع ككلهه
ححبيتوو ككلهه ')
وردهه

اقتباس   المشاركة الأصلية كتبت بواسطة barbie 13. كنت اتمنى حب حدا يقلي شعر عطول كنت حب نزار قباني ، أنا اليوم طلعت من المشفى بكسر بالايد بعد اخر قتلة من زوجي هههههه الفرقق ممو ككبير 4. كنت حبو من طرف واحد من بعيد لبعيد كنت جن غيرة عليه ، بس بالأخير اتزوجت زواج تقليدي ، صار عندي ولاد بس لسا بذكرو بيني وبين حالي أنا بحب ولادي ومرح خون زوجي ، بس ليش هك الدنيا ?! ههادد ششو مؤثرهه القصصهه و كتير ففي منهاا يسسلمو ع ككل الموضوعع ككلهه ححبيتوو ككلهه ') وردهه

حبيبة القلب
نورتِ

جميع ما قص هنا رااائع ومعبر جدا
استمتعت بالقراءة هنا
احترامي

اقتباس   المشاركة الأصلية كتبت بواسطة jr7 جميع ما قص هنا رااائع ومعبر جدا استمتعت بالقراءة هنا احترامي

احترام متبادل صديقي
تحيآتي لك .

طرح معبر وجميل
شكراً لإختيارك المميز
دمتِ بخير

اقتباس   المشاركة الأصلية كتبت بواسطة طوق الياآسمين طرح معبر وجميل شكراً لإختيارك المميز دمتِ بخير

العفوو عسسولةة
نورتِ

قدس أمك قبل ما تموت ، احترم مرتك قبل ما تحبها
ربي ولادك منيح ، ما تخلي بناتك يخافوا منك
خبر ابنك أنك رفيقو الأول ، كون وفي مع البنت البتحبا
ما تخلي عينك ديقة ع مال ابوك ، موت أصيل مهما انعجنت بالطين وبالندالة
الأصيل الرب مبارك فيه


م اجمل هالكلام
ي ريت الكل يعمل فيه
حبيت طرحك كتير مينو
وكل م طرح فيه جميل جدا
دمتِ بسعاده