كلمة بحبك في ذاتها اختبار مش سهل للشاعر الجميل عمرو حسن

دي كلمه صعبة وعصية وجايه بالعافيه ..

ووراها شك وشوق وعناد مالوش آخر
ووراها حزن وخوف وكلام عبيط ساخر
كلمة قصادها الألم بيلين ويتاخر
وتلاقي نفسك ف لحظة وسط عزوة وأهل
والأمر ده مش سهل ..ولا سهل اجيلك واقولك كلمة واسحبها ...
انا سيرة مش ولابد وسنين غلط وصواب

فقد الأمل بالألم ولقاكي بانله ضمير
فان كنتي ه ترديه .. عداكي عيب واتنين
وان كنت ه تطاوعيه .. تاخدي الثواب ثوابين
وان كنتي ه تضميه وتكوني أم وأب ه يكون عشانك سكن وحاجات كتير تتحب


عايزك ومش طالب غير ضحكتين لله بسأل على نفسي .. فبقولك ازيِك


انا عمري ماتخيلت انك تكوني انتي اول ماشوفتك لقيتني يعني مش طايقك
عمال اضايقك كإنك حد تاري معاه وانتي الصراحه كمان لا كنتي حباني ولا كنتي حابه تشوفي هزاري وجناني

ولا كنتي عايزاني
تشوفيني ماشي طريق تمشي ف طريق تاني
فجأة بدون أسباب لقيتني بمشيلك ولقيتني بحكيلك كل اللي ماحكيتهوش
ولقيتني بآمنلك ولقيتني بقى منك أو حد من ناسك

وانا يعني مش ناسك ف الحب ولا قديس


عيل ف اصله نضيف محتاج شوية شغل وهمّتك وياه
على قد ماتساعديه وتحطي أملك فيه على قد ماهتلقيه بينقّي اخطاؤه
فيه حد جايلك هنا واقف بأوراقه ف ايديه كتاب ربنا وف قلبه اجزاؤه
بيحلّفك بالأمل وبفرصة ما اخدهاش تنسيله ذنب اتعمَل بجريمة ماعملهاش


وتباني شمس ف شتا وتكوني برد ف حر
وتكوني اول بر ، ارسى عليه ومخافش






وبقيتي كفه وعينيه وصحابه وسفينته








ارجوكي لا تزعلي من شخص شافك طَبّ وقوليلي هل تقبلي .. ابنك يكونلك أب ؟