تفاقيد ربنا رحمة

عوافي عالجميــــع ،،، وللجميــــع

قاعدين جميع الاعضـــــاء جلســـة صـــفاء
مولعين هالنــــار وملموين حواليها وعالنــــار بـــراد شاي وغلايــــة قهـــوة ...

مبسوطين باللمة وكأنها عيلة ....

قام احد الاعضــــاء سئل سؤال غريب
شو رأيكوا يا أعضاءنا واخوتنا بلي بيقولك بمصاب فلان

تفاقيد ربنا رحمة وتاني قله صفي نيتك ....!!!

بالنسبة الي ستغرب السؤال بس مش السؤال نفسه
الاستغراب كان من ردود الاتنين عليه

شو يلي خلى واحد يقلك تفاقيد ربنا رحمة ؟؟؟
والتاني يقول صفي نيتك ؟؟؟
اخدني الشرود بسؤاله وما عرفت شو أرد عليه .... !! ؟؟؟
كل واحد من الاعضاء صار يحكي رد يلي شافه مناسب للسؤال ؟؟؟

نقرأها مع بعض ..

كلمة تفاقيد ربنا رحمة عادي مافيها اشي. انو الله بدو بمصابك يخفف عنك ذنوبك،
متل الي بحكو اذا احب ربنا عبد ابتلاه
ف عادي هاي الجمله
التاني لم حكاله صفي النيه يمكن كان يفكره انو بتشمت او بستاهل الي صارله
مش عارفه هيك طلع معاي.

شكرا الك سكووون للمشاركة
أعجبني برأة ردك .. وعفويته
تقديري للحضور وصاحبته

انا مع المقوله الاولى
تفاقيد ربنا رحمه
اما الثانيه صفي نيتك
فهي خطأ
لان الله اذا احب عبد ابتلاه
وهذا ليس له علاقه بالنيه ولا بصفائها او عدمه

دائما النقي يرى النقاااء بالاشياء
حضور ومشاركة افتخر بها ... وبمعرفة صاحبتها
تقديري لنقاء واسمها

صراحة كتير بآمن بمقولة اذا احب الله عبدا ابتلاه
لانه ربنا مو حابب يكون ع هادا الانسان أي ذنبوب وقت الحساب
ويقابله بصفحة قريبة للبياض

وبالنسبة للتانيه مش كتير مستوعبتها
حاولت احللها ويلي فهمته منها هالانسان عامل عمايل بحياته او انه ظالم حد وربنا عم ينتقم منه
ويلي دفعني احكي هالكلام انه من فترة قرأت قصة بهادا الخصوص صارت قديما
وانه هالشخص ظلم حد وربنا انتقم منه

عوافي رنين الصمت

صراحة ما فهمت الجملة الاولى لكن فهمتها من ردود الاعضاء ،
واكيد ممكن يكون المصاب ابتلاء او بلاء لكن بالحالتين ليخفف الله من ذنوبك ويرجعك لطريقه
اما صفي نيتك ف هي بتكون رد عفوي
بس ما الو لزمة خاصة لو كان صاحب المصاب موجود وقاعد
يا اما تحكي خير او تسكت افضل
يعطيك العافية لادراجك ..

lonely heart
ردك عالاولاني كان رائـــــع ،،، وفيــه ايمـــان بقضأأأء الله ورحمته بعيـــاده ،،،
لكن التانـــي الصراحـــة فاجئنــــي ..
لو انـــا أخطـــأت فبضل هدا الشيئ بيني وربــــي ،،، وهو الي بيحاسبني عليـــه
لكـــن اناكإنســـان ما الي الحق اني احاســب حد وأتشمت بألامــه وبـــلاءه
ع كـــل مشاركـــتك المواضيـــع دائما تسعدني

الصيادكان ردك رائـــع وأكثـــر

لا غبـــار عليــــه
جل تقديري لحضورك اخي

اقتباس   المشاركة الأصلية كتبت بواسطة رنين الصمت lonely heart ردك عالاولاني كان رائـــــع ،،، وفيــه ايمـــان بقضأأأء الله ورحمته بعيـــاده ،،، لكن التانـــي الصراحـــة فاجئنــــي .. لو انـــا أخطـــأت فبضل هدا الشيئ بيني وربــــي ،،، وهو الي بيحاسبني عليـــه لكـــن اناكإنســـان ما الي الحق اني احاســب حد وأتشمت بألامــه وبـــلاءه ع كـــل مشاركـــتك المواضيـــع دائما تسعدني

انت فهمت ردي غلط
انا مستحيل يصدرعني هيك شي
او اتشمت بحد او بوجعه او مصابه وما بحب هيك تصرف
انا كنت عم افسر ليش حكى هادا الشخص كلامه
وطبعا مش من حق اي مخلوق ع اي مخلوق انه يحاسبه
وحده هو ربنا له هادا الحق