تناقضات مجتمعنا في الرجل والمرأة

بمُجتمعنا ..
إذا الشب كان عندو رفقات بنات ، فهو إجتماعي و حباب .. وإذا البنت كان عندها رفقات شباب .. فهي صايعة !.

إذا الشب عاش أكتر من قصّة حُب وغلط ، عادي هو شب بدو يجرب ويشوف ويعيش ، أما إذا البنت عاشت أكتر من تجرُبة فهي فلتانة ومن شب لشب !.

إذا الشب كان عم يضحك بالطريق ويرفع صوتو فهو مهضوم ومرح وبيعمل جو ، أما البنت فهي مفروطة و بلا ترباية !.

إذا الشب بيطلع وبيسهر بالليل وبيحضر حفلات عادي ماهو شب هيدا حقو ، أنا البنت فهي أهلا ما عرفوا يربوها !.

إذا الشب ما كملّ تعليموا وأخدت شهادات عادي هو شب بُكرا بيشتغل أي شي ، أما البنت فهي فاشلة !.

وإذا الشب فات عالسجن عادي ما الحبس للرجال ، شرب حشيش طيش شباب ، عمل مشاكل أقل من عادي ، شو مالبس عادي ، شو ما حكى عادي ، شو ماعمل عادي .. ما هو شب .
والبنت لا .. أوعى تلبسي هيك ، أوعى تحكي مع هي ، أوعى تمشي مع هاد ، أوعى تسهري برا ، أوعى تضحكي ، أوعى تتعرفي ، أوعى تجاوبي ، أوعى تبدي رأيك .. عيب عيب عيب !! أنتِ بنت !!

ما غلطوا بمسلسل أشواك ناعمة لمّا قالوا
محسوب عليكي كيف طلعتي وكيف نزلتي وكيف لبستي ، محسوب عليكي شو ماعملتي .. الناس بتحكي .

وهيك مُجتمعنا . 💔

هيك ربينا غلطة البنت مو متل شب
يسلمو ملاك
الله يبعتلك ايام حلوة
و
سنين احلى

صحيح مجتمعاتنا العربية مليانه عوج واخطاء فى اساليب التربية
بس فى امور مابنفع نحكى انها,شغلات غلط
يعنى سهر البنات لنص الليل برات البيت , وانخ تضحك بصوت عالى بالشارع , انه البنت تصاحب شباب
هاى امور باساسها مش صح وغلط وحتى البنت نفسها مش هتحترم ذاتها لما تشوف حالها بتحكى مع,مليون شب ويتمزح مع هاد وهاد
مابحكى انه الشب صح يعمل هيك بس اذا البنت مسكت حالها,وصدت اى شب بيحاول معها راح تلتغى قصة لمصاحبة بين الجنسين ,
الله يصلح احوالنا
عوافى ملاك

اقتباس   المشاركة الأصلية كتبت بواسطة انجلينا جولي هيك ربينا غلطة البنت مو متل شب يسلمو ملاك الله يبعتلك ايام حلوة و سنين احلى

طبيعي بمجتمعنا يكونو ضد البنت
شو ما عملت غلط

اقتباس   المشاركة الأصلية كتبت بواسطة خَمْر أيلول صحيح مجتمعاتنا العربية مليانه عوج واخطاء فى اساليب التربية بس فى امور مابنفع نحكى انها,شغلات غلط يعنى سهر البنات لنص الليل برات البيت , وانخ تضحك بصوت عالى بالشارع , انه البنت تصاحب شباب هاى امور باساسها مش صح وغلط وحتى البنت نفسها مش هتحترم ذاتها لما تشوف حالها بتحكى مع,مليون شب ويتمزح مع هاد وهاد مابحكى انه الشب صح يعمل هيك بس اذا البنت مسكت حالها,وصدت اى شب بيحاول معها راح تلتغى قصة لمصاحبة بين الجنسين , الله يصلح احوالنا عوافى ملاك

حبيت صراحتك
بس القصد انو مهما الشب عمل غلط ما بنلام
ع اساس انه شب وما بعيبه شي
وما بنكر انو البنت تغلط
لا تغلط وما تتمادى بغلطها برضو
بس القصد انه البنت ازا غلطت نفس غلطة الشب بتكون محط انتقاد وكلام العالم
بعكس الشب
حتى بأمور الخيانة

مجتمعنا مجتمع ذكوري باختصار
بس متل ما قالت خمر في اشيا محسوبه ع البنت ومش مقبوله اذا عملتها
طرح جميل
يسلمو دياتك ملاك الحب

اقتباس   المشاركة الأصلية كتبت بواسطة lonely heart مجتمعنا مجتمع ذكوري باختصار بس متل ما قالت خمر في اشيا محسوبه ع البنت ومش مقبوله اذا عملتها طرح جميل يسلمو دياتك ملاك الحب

بعرف
بس هون بقصدو كيف التمييز العنصري
ومش انو البنت تغلط متل الشب
طبعا الدين ما بسمح لو العادات اختلفت

خلق الله الانثى والذكر
تذكري قصة مريم عليها السلام
ربي اني وضعتها انثى والله يعلم ما وضعت وليس الذكر كالانثى.
انتهى الامر هناك حدود بينهما فلا نقارن ابدا.
ملاك الحب.

مشكورة.

الغلط غلط سواء عمله الرجل أو الأنثى
وبما اننا في مجتمع شرقي فأكيد التركيز على البنت هيكون اكثر
لكن مثل ما حكيت الخطأ خطأ بغض النظر عمن فعله
شكراً لك

هيك المجتمعات لكن بالنهاية الحساب الدين واحد
لكن للاسف المجتمعات بتحاسب بالعيب مش بالحلال والحرام
يعطيك العافية لادراجك ..