بحسنى عاوز أكتب ..

بحسنى عاوز أكتب بس أكتب إيه

اليوم رجعت بدرى وبيقولوا بكره أجازه والله ما حاسس بيه

حأكتب عامى كلمتتين ...

كتير هى الآه وجعانى وأوقات بتبقى آنين

لا مش حكاية حب ولا فى من ده كلام كان من سنين وعدت عليه أيام

واللى يبيعك بيعه ولو حتخسر ورااه فدان واكسر وراه قله وأبريق كمان

بلاش تلومونى مهما كتبت

كلمه أو كلمتين

أهو بضيع همى ويشهد عليا القلب باللى فيا

يا ما أنجرح وما لقيتلو دوا من الأهل والخلان

يا سيدى ممكن القلم بيغلط بكلمه ولا اللسان

ومش معنى لو كتبت كلمه يبقى الوحى بين أيديا

ياااه

ده قلمى كمان زعلان وبيرد عليا

بيقولى حترجعنى للكتابه تانى هو ده اللى أتفقنا عليه

حاسس بيك يا صاحبى وأنا معاك طيب عامل بنفسك كده ليه

أنا أهو بين إيديك وخدامك وببتخربش بيا كلام

أنا حآخد تارك ما أصلى أنا تعبت معاكل يوم بتسهر وتسهرنى وياك

لو مش عاوزنى أرمينى وشوف لك دوايه وريشه يا بيه

سسنين وأنا بين أيديك ومشاركك كل همك وعمرى ما أتخليت عليك

غيور أنا بتكتب عنها كننت وبتنسانى هى أحسن منى فى أيه

وحاسس أنك عاوز تكتب تانى يااااه دى شغلانة أيه

طب أكتب عنى ولو مره

قول يا قلمى شغلتك معايا وتستاهل انت الحب وزياده عليه

طب بسألك يا صاحبى ؟؟؟

أدى اللى كنت بتكتب عنها مموش سائله ليه ؟

عرفت مين حبيبك

أصحى وصحصح معايا

ده مره أنتَ كنت نايم وقريت ليها كلام وكأنها مظلومه يا بيه

آه يا صاحبى لو يسألونى

كنت عرفت أقوول مين أنت وهى إيه

أنسى يا صاحبى بس أوعدنى ما تكتب تانى لا على الحب ولا لياليه

خلينا نعيش بفرح وننسى ومع الصحبه الحياه أحلى

صدقنى

سكت أنا ...........

ومعرفتش أرد عليه

حضنتو ووقلت خلاص يا قلمى

حنكتب سوا عن الحب

ولغايةة النهارده محدش عرف هو الحب إيه ..





’’صدقاً معرفش كتبت إيه وكلمات وخربشه وليدةة اللحظه ’’