أنا وأنتم بين التناقض والمزاجيه!!

اليوم أرى الألوان جميييله..لافرق كلها تناسبني..
بعد قليل قد يتغير مزاجي فتتغير معه نظرتي للألوان
وادخلها في مرحلة تقييم جديده!!

يقاس على هذا تعاملنا مع أحداث الحياه المختلفه..
تختلف رؤيتنا للمواقف حسب الحاله النفسيه..
مانراه اليوم سييء ..نراه في الغد مناسب!!

هناك مواقف معينه لاتحتمل التغيير
وتكون النظره لها ثابته
قرارات مصيريه واستشارات ضروريه لامجال فيها للتغيير..
هذا الأمر لانختلف فيه ..يجب أن نواجهه بثبات
ويكون العقل سيد الموقف!!

ولكن امورنا البسيطه وتقلباتنا فيها بين الرفض والقبول
هل يعتبر مزاجيه أم تناقض وهل يعتبر حاله طبيعيه
يواجهها الجمييع؟

هل نعتمد التناقض كصفه ثابته نطلقها على الآخرين
في تحولات الرأي التي لاتشكل خلل في نظام الحياة العام..
ومن هو المتناقض الحقيقي من وجهة نظركم؟؟

م في اشي اسمو تناقض عند الانسان السوي بتكون تقلبات مزاجية او نفاق منو وفمواقف معينة بتبدل رأي وبتغير قرار وقناعة
عوافي

بتشكر حضورك المميز الراقي

دمت بكل ودك وعطائك

صعب نحدد مفهوم معين لكلمة تناقض،
بس انا شخصيا بعتبره "سلوك" او "حاله" اللي ممكن تصير مع الإنسان كل الوقت بحياته اليوميه،
انك تكون ماخد رأي معين، وفجأه تغير رأيك لرأي ثاني، هالتصرف طبيعي بالنسبه إلي،
مع إنه غالبا بينفهم معنى التناقض غلط وإنه اشي سلبي،
بس لو احنا مش متناقضين كنا منغلطش ومنعرفش شو يعني اغلاط واخطاء بالحياة، وهذا يعني؟ الخطأ اللي بصير بحياتك هو بحد ذاته تناقض !
حتى بأبسط الامور اللي المفروض الحكم والقرار فيهون يكون واضح وضوح الشمس ومعروف، إلا إنه ظروف كتير ممكن تخلي الواحد فينا يتصرف العكس !
وقت الإنسان ميضلش ع رأي ولا ع حال معين، هذا سبب التناقض غالبا مثل ما سبق وذكرت، بس هل لازم نكون ع رأي معين كل الوقت؟ او ع حال معين كل الوقت؟ لحتى منكنش متناقضين؟
ممكن نضل ع رأي ثابت لمن نكون مفكرين إننا ع صواب، بس لمن نبلش نحس إننا ع غلط ع طول منغير رأينا، هون هالتصرف طبيعي،
على كل حال الإنسان مش آله ليعيش ويشتغل ع نظام معين او يمشي حسب قوانين معينه، هون لازم يعمل هيك او هناك لازم يقرر هيك !!
مع إنه صحيح الإنسان عندو عقل والمفروض يفكر بعقله، بس برضه عندو عاطفه ومشاعر يللي اوقات كتير بيسبقوا العقل !
بحسب الحاله والموقف يللي انت بتعيشون بيخلق تناقضك وبتنخلق ردة الفعل معك.
شكرا ثائر

هلا ممكن يكون فى فرق بين الشخص المتناقض الشخص المزاجي

الشخص المتناقض بيكون بكل تصرفاته عكس بعض يعني مرة يحكيلك انا بحب البحر وبنفس اللحظة يحكيلك ولابطيقه او بعمري ماحبيت اروحله وممكن التناقض يكون نوع من انواع النقص عند الانسان يعني مافى انسان واعى ومدرك ممكن يصدر منه هيك شي او انه من الممكن يكون انسان مهزوز الشخصية وانسان تابع مش متبوع


بس المزاجية بتختلف وبتختلف كمان بحسب قدرة الانسان على السيطرة على حاله فى المواقف يلي بتعرضلها ، بس بشكل عام الانسان المتقلب المزاج او الراي دائما الناس بتتجنبه مش لانه هو سئ بذاته لا ولكن لحتى تتجنب مشاكل هى فى غني عنها والانسان المزاجي مزاجية عنيفة انسان غير مقبول وبتلاقي الناس بتتلافي تكوين علاقه معه


طرحك واقعي ومهم اخى ثائر

ماننحرم جديدك

بتشكر حضوووركم وارائكم

دمتم بكل عطائكم

مع تقلبات الاحوال واختلاف المواقف
يقف الانسان الوقفه المناسبه
وليس بالضروره تكون صحيحه وهو على حق
لأن الله سبحانه وتعالى اخلقنا مختلفين
فنهاك يعاملها معامله مزاجيه
وهناك من يعاملها بمنطق وعقلانيه
وهذا ليس تناقض
تناقض يندرج تحت النفاق لا ريب

شكرا لطيب طرحك اخي

بتشكر حضورك الراقي

دمتم بكل عطائك