لا تخبري بابا :(

{ لا تخبري بابا }

ابن او بنت عملوا مشكله
يمكن مشاجره ... يمكن رسوب بالمدرسة
يمكن يضرب اخوته ...
او اي مشكله بيعملها وبيخاف انو أبوه يدرى !
شو بيصير ؟؟ ماما الله يحفظك لا تخبري بابا
وعالاغلب الام ماراح تخبر الاب الي هو زوجها

شاب او حتى شابه بمرحله المراهقه
ممكن امه تشوفه يدخن /تدخن سجاير
يكلم بنات / تكلم شباب ... يمد ايده على اخواته
يطلع ويدخل عالبيت وقت ما بدهماما اذا اجا بابا خبريني حتى اجي عالبيت قبله بشوي !
ماما لا تخبري بابا إني تأخرت عن البيت ...
ماما لاتخبري بابا ادخن سجاير هي بس هالكم يوم
واتركه شوي نفسيتي تعبانه بس وعد اتركه
ماما ترى هاي بس صديقتي لا تخبري بابا فترة واتركها

هذا موضوعي عن اخفاء تصرفات الابناء عن ابائهم
برائيكم هل هذا التصرف من الام صحيح ام لا ؟!
وهل هذا التصرف يحافظ على تماسك الاسرة ؟؟
اذا انتي ام او ان شاء الله مستقبلا اصبحتي ام وشفتي هذا التصرف من اولادك كيف حتكون ردة فعلك ؟؟؟

باب النقاش مفتوح للجميع

ونصيحه عالهامش
( مشكله صغيرة في بيتك تؤدي الى ازمة كبيرة في مجتمعك حافظ على اسرتك لتحافظ على مجتمعك )

دمتم بخير

نقاش مهم ودارج في مجتمعنا وأن صح القول هي ظاهرة


ولكن هنا الأم هي من تتحمل المسؤلية وعليها أخطاء




الخطأ الأول : أنها لم تكن موجهة ومعلمة لأبنائها
برأيي الأم يجب أن تكون حاسمة ولها موقف وتأثير
لا كل مشكلة يجب ان توجه للأب ليقوم بحلها
الأم يجب ان تحل أيضاً وتعالج


الخطأ الثاني : أنها قامت بالتغطية على أخطاء أبنائها
إن لم تكن الأم لديها القدرة على حل ومعالجة المشكلة
يجب أن تتوجه للأب كي يقوم بمعالجتها ويحسم الأمر
لا أن تُداري على أبنائها وهنا للأسف يزداد الخطأ عند الأبناء
لأنه يعلم أنه سيكون غير محاسب ويعلم أن هناك من يدعمه ويغطي عنه






شكراً لنقاشك

امي ع طول بتهددنا ب بابا ههههه بس نعمل كارثة

احيانا بتحكي اله واحيانا لا

بس مع هيك عنا رهبة من بابا غير انو تصرفات ماما باغلب الاوقات حكيمة خاصة أنها مدرسة اجيال

لهيك عمريش شفت تصرف الها معنا طلع غلط او زاد من المشكلة


شكرا ألك

صحيح متواجدة هاد المشكلة بكثرة في مجتمعنا
الام بدل ماتكون همزة وصل
تتستر على اخطاء اطفالها من الصغر
لحتى يكبرو ويروح فيهم هذا الطبع
واصلا يصيرو ماخدين فكرة غلط عن الوالد
وبهيك حالة تكون ضيعت حق الاب في تربية الابناء
واكتر من هيك اذا كبرو مارح تقدر تتحكم فيهم
وهداك الخوف رح يروح ع الفاضي
وهذا كلو من قلة التواصل بين افراد الاسرة
واللوم مش بس على الام لانو الاب حتى لو يشتغل برا ومش شايف كل شي صاير بالبيت لازم يتفقد اولادو ع طول
يحاول يحكي معاهم ويحسسهم بوجودو



آسفة على الاطالة :13:
شكراً بسمة على الموضوع
دمت بكل خير ياطيبة

صحيح مشكلة دارجة بهالوقت بشكل كبير

بس احيان كثير بتلاقي الاب مشغول بشغله او او يعني لو كانت الام قادرة تفرض شخصيتها

وانها تحكم اولادها ممكن يمشي الامر

بس انها اداري على اخطاء بدون ماتصلح من اولادها فهالشي خطأ

مع العلم ان فى تصرفات مابتقدر لحالها تسيطر عليها فلازم يدخل الاب

وكمان لما يكون فى تفاهم بين الزوحين راح يكون توصيل الامر من الزوجة للزوج سهل

ويتفاهمو كيف يصلحو من وضع ابنهم

يسلمو وتر للنقاش

اقتباس   المشاركة الأصلية كتبت بواسطة هل كان حباً نقاش مهم ودارج في مجتمعنا وأن صح القول هي ظاهرة ولكن هنا الأم هي من تتحمل المسؤلية وعليها أخطاء الخطأ الأول : أنها لم تكن موجهة ومعلمة لأبنائها برأيي الأم يجب أن تكون حاسمة ولها موقف وتأثير لا كل مشكلة يجب ان توجه للأب ليقوم بحلها الأم يجب ان تحل أيضاً وتعالج الخطأ الثاني : أنها قامت بالتغطية على أخطاء أبنائها إن لم تكن الأم لديها القدرة على حل ومعالجة المشكلة يجب أن تتوجه للأب كي يقوم بمعالجتها ويحسم الأمر لا أن تُداري على أبنائها وهنا للأسف يزداد الخطأ عند الأبناء لأنه يعلم أنه سيكون غير محاسب ويعلم أن هناك من يدعمه ويغطي عنه شكراً لنقاشك

فعلاَ كلامك واقعي و صحيح


شكرا لرأيك

اقتباس   المشاركة الأصلية كتبت بواسطة وَتِين امي ع طول بتهددنا ب بابا ههههه بس نعمل كارثة احيانا بتحكي اله واحيانا لا بس مع هيك عنا رهبة من بابا غير انو تصرفات ماما باغلب الاوقات حكيمة خاصة أنها مدرسة اجيال لهيك عمريش شفت تصرف الها معنا طلع غلط او زاد من المشكلة شكرا ألك

الله يحفظها الكم يا رب , و يخليلك البابا


انا شفت منو موقف يوم ما طلعنا ع المينا و اتصلتي فيه


جد انه منيح هههه


نورتي وتين

اقتباس   المشاركة الأصلية كتبت بواسطة دفء صحيح متواجدة هاد المشكلة بكثرة في مجتمعنا الام بدل ماتكون همزة وصل تتستر على اخطاء اطفالها من الصغر لحتى يكبرو ويروح فيهم هذا الطبع واصلا يصيرو ماخدين فكرة غلط عن الوالد وبهيك حالة تكون ضيعت حق الاب في تربية الابناء واكتر من هيك اذا كبرو مارح تقدر تتحكم فيهم وهداك الخوف رح يروح ع الفاضي وهذا كلو من قلة التواصل بين افراد الاسرة واللوم مش بس على الام لانو الاب حتى لو يشتغل برا ومش شايف كل شي صاير بالبيت لازم يتفقد اولادو ع طول يحاول يحكي معاهم ويحسسهم بوجودو آسفة على الاطالة :13: شكراً بسمة على الموضوع دمت بكل خير ياطيبة

فعلاً الاب لازم يتفقد اولادو اول بأول


رأيك مقنع و جميل


شكراً دفء

اقتباس   المشاركة الأصلية كتبت بواسطة خَمْر أيلول صحيح مشكلة دارجة بهالوقت بشكل كبير بس احيان كثير بتلاقي الاب مشغول بشغله او او يعني لو كانت الام قادرة تفرض شخصيتها وانها تحكم اولادها ممكن يمشي الامر بس انها اداري على اخطاء بدون ماتصلح من اولادها فهالشي خطأ مع العلم ان فى تصرفات مابتقدر لحالها تسيطر عليها فلازم يدخل الاب وكمان لما يكون فى تفاهم بين الزوحين راح يكون توصيل الامر من الزوجة للزوج سهل ويتفاهمو كيف يصلحو من وضع ابنهم يسلمو وتر للنقاش

فعلاً جبتيها لو فيه تفاهم بين الام و الاب كان بيكون الامر اسهل


شكرا لرايك صديقتي

انا بشوف في اباء صعب تتناقش معهم
ولو عرفو مش هيعملو اشي الا يزيدو الطين بلة
صدقيني لو الشخص بيوثق انو ردة فعله ابوه هتكون منيحة ماهيحكي
لامو لا تحكي لبابا او يخبي
وبتهيئلي مش كلشي لازم يعرفوه الاهل
خاصة لو الشخص بالغ
يسلموو للنقاش