#بتوووووووووجع

الشب:شبكي عمري ليش هيك مبينة تعبانة
البنت :مرضاانة انا:-(
الشب :يبعتلي حما انا من شو يا عمري
البنت:وهي خايفة تئلو (عادي هيك ما بعرف)
الشب:حبيبي عم تسمكي لبسك الجو بارد كتير
البنت:حبيبي ئلك شغلة بدون ما تعصب
الشب: ما عم تلبسي منيح -_-وماعم تديري بالك عحالك
البنت هههههه بحبك
الشب (معصب) لك مابدك تبطلي هالولدنة ليش ما بتسمعي الكلمة ليش هيك عم تعزبيني نبسطي هلا هي مرضتي وكيف حضرتك بتطلعي من البيت وانتي مرضاانة ااه لك الله يصبرني عليكي شو جدبة سمعي يا خانوم هلا بترجعي وبتاخدي دوا وبتشربي شي سخن وبتضلي مدفية حالك فهماانة
هي هههههه يؤبرني يلي بخاف عليي شو بحبووو اي
واعدت تدلل وتتمايع عليه متل ولاد صغار ليبطل زعلان منا بس هو ضل متدايئ ئالتلو ئلي بحبك ئلا ما بحبك يلا عالبيت عملي يلي ئلتلك عليه
هي اي مالي رايحة لتئلي ويلا
هو لك ما تجننيني رووحي عم ئلك
هي بضحكة بريئة وعيونا مليانين دموع ئلي بحبك والله رح ابكيي
هو طيب بحبك روحي بسرعة
ورجعت على هالبيت كل مالا عم تتعب اكتر حاسة انها رح تموت اعدت تفكر شو حيصير في بس تموت من كتر تفكيرا وعلى ئد ما بكيت وهي عم تدعي الله يصبرو ويبعتلو بنت احسن منا يحبا فورا كان هالدعاء صعب كتيييير عليها وبيعمل غصة وحرئة بهالئلب لانو كانت بتتمنى هي تكون شريكة حياتو لاااخر هالعمر وفجاة البنت وئعت ركدوا اهلها بلحظات رعب وخوف اخدوا عالمشفى وعرفوا بالخبر يلي بيصدم كلن بكيوا ونصدموا اختا كان لازم تدئ لحبيب هالهبلة المجنونة يلي بيعشئا وتخبرو ليودعا دئتلو وخبرتو هو جن دموعو صارت تنزل لحالا وصار يكزبا ويقنع حالو انا مريضة مرض خفيف وعم تتسائل لانو عئلها صغير راح لعندا بسرعة وصل ماعم يئدر ياخد نفس شافن كلن عم يبكوا ومنهارين هو وعم يبكي عم يضحك عحالو ويحاول انو يطلع الخبر مو صح هههههه شو يعني هي تمثلية جماعية بربكن حاج مسخرة وينا وهنن كلن عم يطلعوا في ويبكوا اكتر محروئين عليها وهو حرئهن اكتر ما حدا رد عليه
هو لك عم ئلكن وينااااا اختا فوتتو لعندا فات عم يتطلع فيا متل الملاك النايم ع سرير ابيض مابدو يسدئ انها ماتت مسك ايديها باردين ومتلجين هي بيضا لدرجة بتخوف صار يضحك بهبل ويئلن انا ئلتلا ما تحط شي عوشا شفتو شو مبشعتا هالبودرة البيضة هبلة هالبنت بعدين كم مرة ئلتلك دفي حالك شوفي حالك شو بردانة هههه عم تعاقبيني مثلا لك يلااا ئومي وحاج تمثيل زودتيا
اهلا عم يبكو ولك خلص حاج تعزبنا وتعزب حالك ئبل ما يكملوا لك انتووو يلي خلص لك حاج تبكوو لك والله والله هي يلي وعدتني تبئا جنبي عطول الحياة والله لك هي يلي حكت انو رح توفي بوعدا ئلي ورح نكون لبعض ورح تكون ملكي ورح نجيب ولاد حلوين بيشبهوا هي يلي حكت انو رح تطبخلي وتطعميني بايديها ونعمر بيتنا سوا ونئهر كل يلي ئالوا علينا هبل وحب مراهقين لك ليش هيك عم تعملييي لك ئوومي حرام عليكي ئوومي
فاتوا الممرضين ليغطولا وجا هو بعدهن كلن بهيسترية معصب ما حدااا يلمسا هي عمري ما بسمح لحدا يلمسا هلا رح تفيئ هلا شوفوا كلكن
بوسلا ايديا كرمال الله ئومي بحبك لك انتي نفسي يا هبلة مافيي عيش من دونك بهون عليكي حبيبك يتعزب مو انتي بتخافي عليي من كلشي بياذيني طيب انتي اذيتيني كتييير ئومي لنكمل حياتنا سوا واخطبك ونتزوج ونعمل يلي اتفئنا عليه ونعيش احلا عيشة وننام ونصحى سوا واشرب الئهوة من ايديكي واكل من ايديكي ونجيب ولاد ونعيش مبسوطين لاخر هالعمر يلا ولو حاج تدللي
اهلا كل مالهن عم ينهاروا اكتر ئربت الام وئالتلو الله يرضى عليك ئوم والله حرام عليك عم تطلعلنا روحنا وعم تعزبا وهي ميتة مو انت ما بدك ياها تتعزب وبدك تكون مرتاحة هو هدي على هالكلمة لانو مابدو يعزبا ئام وباسا من راسا وئلا رح ضلني بحبك لااااخر لحظة بحياتي رح حاول ما ابكي ل ما تتعزبي رح ضلني عم صلي و ادعيلك وزورك كل يوووم بعشئك يا دنيتي يا ملاكي وحياتك رح نطلع عالسما سوا ونعيش هنيك ووئتا مافي شي بفرئنا
(هيدا خوف منو برد شوفيها هاك المسالة وجك ينزل تحت الارض وروحك تطلع فوئ الدني ماعم اكفر ولا شي بس ئاتلني هيدا الشي يلي عشت بحضنا سنين عم تتشردئ تحت الطين لا تخافي عتمت الئبور روحك رح بتضوي نور رح احفر بحدك جورة رح ضلني حارس الئبورة يوم الغبتي الئمر غاب حطو فوئو كوام تراب صار بئلبي كوام عزاب صار..وجك ابيض مالو لون هو لكان مفتح ورد ايدك سئعة متل التلج هي الكانت تمحي البرد وحياتك رح يجي اليوم اطلع انا وانتي فوئ على دنيا ما بعد دني والك شو رايك فيني وتئوليلي بحبك بحبك انا لسابع سما)... #بتوووووووووجع .

اي والله بتوجججع كككتير
معئووول في من هالحححكي
الحححب شي حححلو
ووئت يللي نحححب بيكككون ما بدنا نفارق الحبيب
بس في الححبيب الخخاين والحبيب ييلي بيغدر
بس الححبيب الوفي ويللي بيححب بصدق ئليل ت نلاقيه
يسسلمو
عنججد بكيت وأنا عم بئراهااا
جوريةةة لعيونككك والآس ع ئبر الحبيبةةة

كتير بحب لغه السورين
والقصه فعلا بكتني وانا بقراء فيها
كتير استمتعت بالقصه بتوجع فعلا
مشكورة حبيبتي ما ننحرم

ياالله شو بتووووووووجع
بربي بكيت وأنا بقرأ
مافي أصعب من انك تحب انسان تحرمك ياه الحياة
بجد وجع مابعده وجع الله لايدوقه لحدا
ولايحرم كل تنين بحبو بعض من انهم يجتمعوا بحلاله

وجعتي قلبي

الله يسامحك على هيك طرح

فعلآ مؤلمة وبتوججع

الحب كله بوجع ومؤلم

يعطيك العافيه

يا ريت الكتابة بتكون بالغة العربية الفصحى أو اللغة المقروئة
وليس باللغة العامية.