كلام كدابين ..

كلام كدابين ..

كنا نسهر بالساعات نتكلم
ما بنملش
دلوقت لو عديت قصادها ما تلتفتش ولا تسلم
هي اللي سابت
وهي برضه اللي قال موجوعة وتتألم
هي اللي بتعاتب
وقال جرحي كسر قلبها وعلم
وانها يوم ما هي سابتني
كانت بتبكي الليل بطوله
كانت بتسهر وحدها تكلم
في صورتي ..!
غريبة
اصل انا بعدها بكام يوم
شوفتها
وجمبها حد غيري
وكان باين اوي في عينيها
اد ايه هيا سعيدة
مرتاحة وهيا بعيدة
كان الفراغ اللي يفصل ما بينها وبينه
بحجم جرحها اللي اتساب في قلبي
يوميها انا كنت متعبي
بكلام كثير
كنت عايز اروح قدامه
واقول كلام كبير
بس قلبي ربط لسانه
في عشرة سنين بينها وبيني
لو حتى نسيااني
انتي روحتي تمام
نقول تعبت من السنين
وتقل الحنين ع القلب
مش اي حد يقدر يشيله
بس هو في حد يسيب حبيبه
وبعدها بكام يوم
يحب غيره
ويعيش معاه حُبنا بكُل تفاصيله
ويعيش معاه احلام كانت عشانا
كلمت روحي كثير بعدها
واتفقنا خلااص ننسى
بس هو القلب ملعون ابوه
يفضل يجيب في الذكريات
انا عارف تعب الفراق مش هين
وما يطيبش في يوم او سنة
بياخد اوقات عمرنا
وهي تفصيلة صغيرة
وترجعنا سنين ورا
وتفكرنا باللي اتنسى
وكنا دفنينه

مش قوية ..