حب لآخيك ما تحب لنفسك ، موضوع نقاش .

مرحباا كيفكم .؟
ممكن تعطوني ارائكم بهالحكي هاد
كل عضو يحكيلي هل هو مع هالعادات و هالعقلية هاي و لا ضد
و لو مع السبب و نتناقش شوي مش بس كلمة مع او ضد
بكون منيح

- شكراً للمخطوبات اللي بعلنو عن عقد قرانهم عشان يفرجونا انو في زلام بتوفي بكلمتها ❤️

-شكرآ للي اشترت ملابس ونزلتهم عشان نشوف ذوقها وشو الموضه اللي دارجه هالايام ..

-شكرآ للمتزوجات للي بعبرو عن سعادتهم مشان بيفروجونا انو مش كل زواج فاشل ❤

-شكرآ للي بعملو عزايم وبينزلو صور عشان نشوف شكل التقديم وطريقه تنسيق الاكل وآن العرب ما زالو مترابطين وبيحبو بعض وملتمين ☕

_ شكرا لكل بنت نشرت صورها ب روب التخرج مع والدتها لحتى تحفزنا نشد همتنا ونفرح أمهاتنا

مش كل وحده نزلت لبسه ولا فرحانه بخطيبها وزوجها او نجاحها معناها بتتباهى ممكن حبت تشارك فرحتها لنفرح معاها ..
خلو الفرحان يفرح ..وافرحو لبعضكم ❤
حب لآخيك ما تحب لنفسك ..