يلعن ابو التكنولوجيا

كتب احدهم غاضبا على التكنولوجيا 😡

يلعن أبو الفيسبوك ع أبو اللي اخترعو 😠
بطلنا نشوف حدا ولا نقعد مع حدا ولا نعرف حدا ولا نقرب على حدا 👀
بطلنا نقعد ع باب الدكان نشرب بيبسي و نفورها 😥
بطلنا نطلع عسطح جيرانو و نرمي حجار صغيره ع ولاد الحاره 😁
بطلنا نوخد معنا كيس بردقان و نزور اللي اجرو مكسوره و نوكل البردقان عندو 🍊🍊🍊

نسينا اشكال الناس 😏
لا بعرف مين جيرانا ولا مين جنبنا 😞
بطلنا نروح ع جارنا اللي اجا من العمرة يشربنا مية زمزم ☹

العزا عالفيسبوك 😳
والعرس عالفيسبوك 😱
والخطبه ، واللمة ، والخِلفة ، والطوشه ، و ام ابراهيم غادرت المجموعه ❗❗❗

الاحساس صار عالفيسبوك 😎
ابتسام تحس بوجع رأس 😫
و خالد يشعر بالنعاس 😴
و عمر يشعر بالحب 😍
ووفاء تشعر بالوحدة 😔

حتى اذا اضطرينا وقعدنا مع بعض خاوه كل واحد وجهو ضاوي من موبايلو ، وعالفيسبوك 📱
وبتوصل معنا انو نحكي مع بعض عالفيسبوك واحنا جنب بعض 👎🏼

فش لمة نسوان الصبح تحت الياسمينه 👩‍👩‍👦‍👦
صار في مجموعة بنات العيله عالواتس اب و نسوان الحارة كلو تكبيس و سحب وتتش 😑

كانت جارتنا تفتح بالفنجان لكل نسوان الحاره الصبح وكلو كذب 😂
و تفسر احلام غلط 😜
بس كانو مبسوطين 😀
هسا اذا حلمنا ما النا الا جوجل 😮

كانت جارتنا اذا طبخت صحن رز تنادي ع امي من الشباك تذوق منو 👅
هسا بنصورو و بنزلو انستغرام
و بنوخد رأيهم بالصوره 📷 🎑

يا عمي بدي اقعد بالحاره 😣
بدي العب طماي ، بدي اتخبى بدارنا بالعقل ، بدون محدا يمسكني اونلاين عالواتس اب 😰
ولا اون لاين عالفيسبوك 😭

يلعن ابو التكنولوجيا 😡😠😡😠

رجعولنا زمان

هو صح في اشياء زمان كانت حلوة
او التكنولوجيا سرقتها مننا
بس انا هيك مروقة راسي ما بحب قعدة الجارات و لا السلفات
و الحكي الكتير و فتح قصص و حكايا
لهيك من صالحي هالشي ههههه
عوافي

التكنولوجيا والتطور لهم ثمن
والثمن كان من علاقاتنا الاجتماعية
الزمن مابيرجع ولو رجع ما هيلاقينا
كلامه كتير حلو وواقعي وفيه تمرد
يسلمو ملاك

لاشك ان الفيسبوك والتطور في وسائل التواصل الإجتماعي
أعدم العلاقات الإجتماعية بين الناس واصبحت محضورة من خلف الشاشات
كل شئ بيتغير وكل شئ مثل ما له حسنات له عيوب
مشكورة ملاك الحب

فعلا هيك كان وهيك صار
وي ريت ما صار
والله كلشي زمان كان احلى
هلا ما في طعم لاشي
حبيت الكلام كتير
يسعدك ملوكه

للاسف هادا الشي صحيح
التكنولوجيا بدل ما تقربنا من بعض بعدت الناس عن بعضها
عوافي ملوكه

حلو هالحكى
صرنا بالبيت بس نلتم نطفى الراوتر
شغلات كتير حلوة بتروح علينا واحنا مغيبين بالنت والفيس والانستا
يسلمو للطرح ملااك

كلام صحيح

يعطيك العافيه