انا خلصت جامعه من السنه اللي فاتت،
الجامعه عالم مختلف عن طبيعة حياتك بالبيت،
وعن الاجواء اللي تعودتي عليها فالثانويه والمدارس،
بتحسي بمسؤوليات اكبر، بدك تعتمدي عالجديه،
والمواد بتيجي اصعب واصعب، بس برضه رح تصادفي مواد سهله ويمكن تحبيهون كمان،
واتذكري مطرح ما تفشلي فدراستك مش رح تقدري تكملي تعليم، يعني انتي المسؤوله عن حالك بالجامعه.
والطالب المفروض يكون قد الاشي بجامعتو.
وعدا عن هيك، بتتعرفي ع اشخاص كتير،
بتعملي معون صحبه، انا كتير عملت صحبه ومعظمون عندي بالفيس،
بس ممكن بأي لحظه يصير مواقف مش حلوي مش بس مواقف حلوي،
يمكن ترسبي بالامتحانات، يمكن تلاقي حدا يكرهك بدون سبب، يمكن تنحطي بموقف محرج، ممكن وممكن،
دايما اتوقعي العاطل قبل المنيح، وكوني سيدة الموقف.
بتمنالك كل التوفيق وتاخدي الشهاده بنجاح وتفوق