منتديات قلب فلسطين - عرض مشاركة واحدة

12-23-2016

اقتباس

المشاركة الأصلية كتبت بواسطة سمره

بتصور الاعضاء بتقدرش تفيدك، لا انا ولا كل اللي جابوا ع سؤالك،
لإنه بيتعلق عن مين عم تحكي،
ع سبيل المثال؟ يمكن تكوني عم تقصدي ابوكي او امك، هل بتعتبري انه من اللائق تتجاهلي يللي خلفوكي؟
انا بعرفش مين قصدك من هالسؤال، ويمكن مجرد سؤال خطر ع بالك، ولكن بيتعلق بالشخص، من الشخص بتحدد المعامله !

اول شي بشكررك كتير على وجهة نظرك اكيد..

تاني شي ازا ملاحظة سمرة انو انا بموضوعي ماحددت بالضبط الشخص يلي ممكن نكون مش مرتاحين معو يعني على سبيل المثال ممكن يكون اخ او زوج او زميل يعني على مستوى المحيط الداخلي والخارجي كمان

وبعتقد كمان انو كتير منا واجه بحياتو هيك مشكله انو في اشخاص بحياتنا مجبرين على انو نكون معهم حتى لو كان القلب لا يميل لهم

فالسؤال هنا.. انو كيف رح تتعاملي مع هادا الشخص؟؟؟ بتمنى تكون فكررتي وصلتك متل ما وصلت لباقي الاعضاء وحطو نفسهم بهالموقف وقدرو يجاوبو...

ونسيت شغلة حلوة كتير حكتيها انو لو كان هالاشخاص امى او ابي مثلا ..حابه احكيلك انو من خلال طرحي هادا استثنيت الاب والام لانو مهما كانت تصرفاتهم معنا فنحنا مجبرين انو نكون تحت طوعهم وانا مش مع مبدأ عقوق الوالدين ابدا ومابيستاهلو منا غير الاحترام... والطرح ما كان غير للاشخاص يلي احنا بنقدر نحدد مصيرنا ونتعامل معاهم...

تحياتى لالك