منتديات قلب فلسطين - عرض مشاركة واحدة - غزة.. والورقة الأخيرة التي لن تُغيّر اللعبة*

03-26-2025

رح يضل الصراع بيننا قائم،
ورح تضل الحروب قائمة والقتل قائم طالمَا في فلسطيني عايش،
حتى لو ما في حماس
ومش رح يصير سلام طالمَا الهم وجود على أرضنا،
وأصلًا أي سلام الّي هييجي منهم!!
فئة ضالّة قلوبهم شتّى!

وبنفس الوقت وخلينا نكون صريحين وواضحين،
كمَان مش رح يصير التحرير على يد فئة قليلة لا تملك العتاد
ولا تملك الأخذ بالأسباب، ولا تملك جيش أصلًا،
إلا بمعجزة والمعجزات انتهت وقلّ منّا الصّالحون،

إسرائيل بتهاجمنا برًّا وبحرًا وجوًّا
احنا شو عنا!
علمًا إنّي ما ببخّس بأعمال المقاومة بل بالعكس عملوا أشياء بترفع الراس
ومفخرة لكلّ عربي حُر،

لكن هل هاد كافي لنواجه أحقر عدو مر على البشريّة،

الله يوحّد كلمتنا وصفوفنا،
مش رح يصير التحرير إلا بوحدة الصفوف،
وغير ذلك الله بعلم شو هيصير فينا لسا،

الله يفرجها ويصبرنا.