منتديات قلب فلسطين - عرض مشاركة واحدة

02-28-2025

اقتباس

المشاركة الأصلية كتبت بواسطة lonely heart

يسعد مسا الجميع
وكل عام وأنتم بألف خير ينعاد عليكم بالصحة والسعادة
بتمنى الكل يكون بخير
انبسطت انه الحرب انتهت وان شاء الله ما بترجع أبدا،،، اشتقتلكم كتير
بتشكركم حبيباتي ننوش وقمر الماما ونور الروح وملاك الحب وقطر الندى وساره المصريه وريحان ونقاء وكل حدن سأل عني بغيابي سواء بتقييم أو رساله وما بعمري رح بنسى وقفتكم معي بمرضي
وبتشكر أخي خالد ع سؤاله عني وما بنسى وقفته معي وقت كنت أكون تعبانه ومكتئبه وكان يبعتلي ويحاول يخفف عني ويرسم البسمه ع وجهي
صارلي سنه ما فتت هون ، كانت سنه صعبه كتير علي بكل معنى الكلمة ،، عملت خلالها أكتر من عمليه بسبب خطأ طبي أثناء التخدير نتج عنه مضاعفات كنت رح أفقد حياتي بسببها
قضيت وقت طويل تحت الاجهزه وغايبه عن الوعي ، ما كان حد متوقع انه ممكن أعيش ، الحمد لله ربنا كتبلي عمر جديد
فتت اليوم لحتى أطمنكم علي وأعذروني لأنه ما رح أقدر أتواجد معكم بسبب وضعي الصحي
حياتي حاليا سرير ومسكنات وجهاز الأوكسجين
معظم أيامي بقضيها بالمستشفى ويوم أو يومين بقضيها نقاهه بالبيت … الحمد لله ع كل حال
لأول مره بخسر معركة بحياتي ،قواي كلها انهارت والمرض انتصر علي
حاولت كتير أتغلب عليه بس ما قدرت ، كان أقوى مني والوجع والألم كان أكبر من طاقة احتمالي
الدكاتره وقفولي العلاج لأنه خلص المرض انتشر بكل جسمي وما في أي أي علاج زابط معي وجسمي أصلا مو متحمل ،، الحمد لله ع كل حال

يسعد أوقاتك حبيبتي رانيا،
الحمد لله شفناكِ وضلي طمنينا عنك،
الله يرحم الوالد يا رب ويغفر ويجعله في الجنة،
وربنا يشفيكِ حبيبتي لا تقطعي الأمل، ربنا قادر على كل شي،
وفي ثانية قادر يقلب الموازين كلها عشانك،
لا تيأسي وضلي ادعي،
وما رح أنساكِ من دعواتي إنه تضلي بخير وربنا يردلك عافيتك،
يا رب يسمع منا وترجعي أحسن من قبل حبيبتي.

lonely heart معجب بهذا