الايام متوقفه عند يوم غيابك
قلبي من يومها ساكت
ما بيتكلمش
عايزك انتي بس انتي
تكوني جنبه وتحضنيه
اتقال كلام كثير عن الاشتياق
ووجع البعد بعد اول الفراق
عارفه انتي
لما تبقي في حته نور
وفجأه تقلب عليكي ظلمه
عارفه انت ده الشعور
ازاي ما اشوفكيش في حياتي
وانت كنت قصادي يوماتي
وكان ما بيننا وبين فراقنا
الف سور
ازاي عدتيه
عدي اول يوم عليكي ازاي
قوليلي
كنت فرحانه وعادي
بتهزري وبتضحكي
فاكره مره قلتيلي ايه
انا وانت ما ينفعش نتفارق
بيني وبينك وتين
لو اتقطع يموت القلب حزين
واتقطع ولا حد مات
واتقطع واهو عايشين
واللي كان قصدك
يموت الشعور
ومشاعرك لحد ثاني
جت منين
احنا تفارقنا من غير اتفاق
وما كانش فراق
سهل ابدا
كان بجرح شديد
واخذت وقت عشان اعدي
وكانت الايام تهد
بس باستحمل وامشي
كنت شايفك من بعيد
فات حياتك حد غيري
وابتديتي حبك الجديد
بتقهريني بتفاصيل بتقوليها
كان ممكن تخليها بينك وبينه
مش لازم تبان
هي مش حواديت زمان
كل موقف حتعيشيه معاه هتقوليه
انت فاكره بتكسريني
ولا عايزه تندميني
هو مين فارق يا عيني
انا كنت متمسك للنهايه
وانت عديتي اللي بيننا
باختيارك مش قرارنا
فاكره اخر يوم كان خناق
كان في قسوه مش عاديه
كان سخيف
كان كلامك مش لطيف
ما يتقالش لحد غريب
مش حد كان معاك سنين طوال
كنت عايزه تاخذي قرارك
كنت قلتيها بصراحه
بكلام خفيف
كنت لما حد يسال
اقول نصيب
ومش كل اللي نختاره يصيب
اختيارنا بالنسبه لنا شيء جميل
بس ربك اعلم بحال عباده
ويعلم من اللي مداري ف خباثه
ورا وشوش كذابه
ومن يصلح يكون معاك
وحياتك جميله بيه
وللى كآبهه
بيضحك في وشك ضحكه صفرا
ولا ضحكه كان سعاده
هي مكتوب علينا من قبل الولاده
نحاول ونعافر زيادة
بس بيغلبنا النصيب
ياسادة

‏
-
ستطيب من بعد العناءِ حياتنا
‏ونذوق من بعد المرارة سُكّرَا
_ .

• تــوْق
• مورفين
• فْوضُى