في بعاد يموت قلوب
وفي بعاد بيحيها
وانتي بعادك كان
يخليني ما بين الحياة والموت
لا عارف اعيش ع البر
ولا قادر اجابه موج
كنتي انتي السفينة
وانا في وسط البحر
يا دوب غياب دقيقة
وتتسحب روحي
وتروح معاكي فين ما تروحي
ماهو لو كنتي ترسيني
عايزة تعيشي معايا
واللى كرهتيني ..
انا كنت يوم القلب
وانتي وتيني
وانتي حبيبة عيني
كُنت انتي النور
اللي يخليني
اشوف الحياة ومرتاح
من فين كُل دي الجراح
ازاي من ملاك
لشيطان
وقدرتي تكسريني
انا كُنت واعدك وعد
ما يتخلفش بموت
محدش مكانك يسد
لو غبتي عني العُمر
هتفتكريني ..
انا متنسيش بسهولة
هو احنا كُنا يومين
دي ليالي عمر طويلة
سنين سهر
سنين تعب الحنين بيهد
والقلب لو جبل
كان اندثر
واتهد ..
ومين فارق بسهولة
لا اتهز ولا اتكسر
ولا قلبه من غياب
حبيبه اتخض ..
واللي قالوا الايام تنسي
ناس كدابة
ب كوباية شاي
او صورة متسابة
هتفتكره لساعات كثيرة
لو مشيت في شارع
مشيت يوم معاه
هتفتكره بسهولة ..
كوبليه اغنية
او بيت قصيدة
حد اسمه زي اسمه
تخلي القلب يرجع
حاجات كثيرة
ويرجع عمر عدى
بتفاصيل بسيطة ..

6/9 ..

‏
-
ستطيب من بعد العناءِ حياتنا
‏ونذوق من بعد المرارة سُكّرَا
_ .

• تــوْق
• مورفين
• فْوضُى