#أخبار_عالريق 638 يوم
✅يكتبها /#سعيد_الطويل

■ الجو اليوم مبين فيه المنخفض عنجد ،تشفشفنا من السقعة واحنا بنتوضا قبل شوية ،الله يعيين أولاد المدارس كيف بدهم يطعلوا عالصبح وعمال الخضرة.

■ولا وحدة تتشطر لا تغسل ولا تنشر ،مش لانه مش حينشف الغسيل من هان للجمعة.

■اليــ ـهود مصعدين بالضفة واعتقالات واقتحامات حبطرش ،والشباب المرة مش مقصرين بالاشتباكات خاصة جماعة جنين.

■أم عمر وغيث جرادات بتحكي
"إذا أولادي عملوا عمليـة نابلس برفع راسي للسما"

■الوفد الأمني المصري أجا ع غزة واجتمع بالفصائل وحيروح اليوم ان شاء الله.

■بيقولوا 7.ما, س وصلت رسايل ساخنة عالآخر للمصريين عشان موضوع الأسير،ات

■للناس اللي مش عارفة القصة ،هذا يخوي السجانين بيعتدوا على الأسيـ ـرات وبيضربوهن وبيعزلوهن وبيشلحوهن الحجاب غصب عنهم.

■في كمان وفد مرتب من شباب اعلامين مصريين وصل غزة مبارح الظهر وحيقعدوا كم يوم ويشرفنا.

■ فتحوا شارع الجلاء وشارع الوحدة "إللي جنب برج الجوهرة" من اول وجديد بس مش بشكل كامل .

■المدلل بيقول انه المــقـ ,ـاو,مة مش بعيدة عن إللي بيصير وبتراقب الوضع ومش حيطول صمتها.

■جماعة الطقس بيتوقعوا انه توصل العاصفة إللي عنجد اليوم الصبح فيها رياح قوية بسرعة 80-60 كم/ساعة وشوية ثلج معاها.

■البحر مسكر من مبارح وفش فيه صيد عشان الجو قالب قلابة والموج هايج.

■وزارة الصحة بتبشركم انه ممكن نكون خاشين على الموجة الرابعة من الكو رونا، وأبو فؤاد بيقلكم برضوا مش حنسكر البلد لو شو ما صار.

■جيش الاحـتـ لال بيعطي تعليماته انه يطخ مباشرة ع أي حدا بيطبش عليه حجار بالضفة.

■حملة تضامن كبيرة مع شب من غزة اسمه أحمد #الحناوي اعتقلوه بتركيا بعد ما ترحل من الأردن بدون سبب.

■العميد أحمد الحتة تعين وكيل لوزارة العدل بغزة ،ومؤيد شعبان تعين رئيس لهيئة مقاو،، مة الجدار بالضفة

■خمسة كيلو أبوكاتوا بمية ، والموز نفس السعر بس بنفعش تاخذهم هدايا ولا توديه حتى ع دار أهلك ،لكن بيمشي حاله

#صباح_الخير لصوت المطر والخير ع سطح الجيران وللناس الدفيانة تحت الحرامات الثقيلة والدفيات اللي بتضخ دفا وعفا ..

و #صباح_الخير أكثر وأكثر للجيران نفسهم،إللي مش بس بيسمعوا صوت المطر ،لا كمان غرقوا بمزاريب المية جوة الدار ..الله يكون بعونهم

#صباح_الخير للشرطي الموجود بالدوريات وللشب المرابط عالحدود وللممرض إللي صاحي طول الليل ،ولعامل الجمال إللي طالع من الصبح بعز السقعة يشوف شغله .